Félagslegt leiguhúsnæði - skilyrði

Tekjur er talan sem kemur fram í reit 2,7 á síðasta skattframtali (skattskyldar tekjur).
Leggja þarf saman tekjur allra sambýlisaðila sem eru 20 ára eða eldri.

Tekjumörk einstaklinga:
0 börn ----6.661.600 kr.
1 barn ---- 8.327.200 kr.
2 börn ---- 9.992.800 kr.
3 börn --- 11.658.400 kr.
4 börn --- 13.324.000 kr.

Tekjumörk hjóna/sambýlisfólks

0 börn ----6.661.600 kr.
1 barn ---- 8.327.200 kr.
2 börn ---- 9.992.800 kr.
3 börn --- 11.658.400 kr.
4 börn --- 13.324.000 kr.

Eignir eru eignir samkvæmt síðasta skattframtali að frádregnum skuldum og fyrir utan innistæður og verðbréf barna

Eignamörk heimilis (óháð hjúskaparstöðu) eru 7.199.200 kr.

Ef tekju- og eignamörk reynast í lagi er gert félagslegt mat á stöðu umsækjanda og fjölskyldu hans.
Til að eiga rétt á húsnæði þarf að ná þessum stigum vegna félagslegra erfiðleika

Lágmarksstig einstaklinga og sambýlisfólks/hjóna:

0 börn -------------- 9 stig
1 barn -------------- 11 stig
2 eða fleiri börn -- 12 stig

Hægt er að sjá hvernig stig eru gefin hér. (laga hlekk)

Hægt er að sækja um undanþágu frá skilyrðum um lögheimili og tekjuviðmið við eftirfarandi aðstæður:

Lögheimili:

• Umsækjandi hefur búið á Akureyri stóran hluta ævi sinnar en flutt tímabundið, að hámarki til tveggja ára, úr sveitarfélaginu vegna húsnæðisvanda, náms eða vinnu
• Umsækjandi eða barn hans undir 18 ára aldri á við langvarandi og alvarleg veikindi að stríða eða fötlun og þarf að flytja til Akureyrar af landsbyggðinni til að vera nær læknisþjónustu og/eða annarri sérfræðiþjónustu

Tekjuviðmið:

• hafa lent í miklum félagslegum erfiðleikum og
• tekjur lækkað í kjölfarið þannig að þær eru núna innan tekjumarka

Umsóknir um undanþágur skulu vera skriflegar og rökstuddar

Hér er átt við fötlun í skilningi laga um þjónustu við fatlað fólk með langvarandi stuðningsþarfir nr. 38/2018

Með umsóknum þarf að fylgja:

• Síðasta skattframtal allra á heimilinu, sótt á skattur.is eða í afgreiðslu RSK
• Staðfestur umgengnissamningur eða úrskurður sýslumanns ef umsækjandi er umgengnisforeldri
• Nýjasta tekjuáætlun tryggingarstofnunar, ef við á og húsnæðisfulltrúi óskar eftir henni
• Staðgreiðsluyfirlit yfirstandandi árs, ef við á og húsnæðisfulltrúi óskar eftir því
• Umsækjandi sem hefur tímabundið dvalarleyfi skal leggja fram afrit af dvalarleyfinu.
  Skilyrði er að gildistími dvalarleyfisins sé að lágmarki 12 mánuðir

Til sækja um sértækt úrræði fyrir fatlað fólk þarf umsækjandi að uppfylla öll eftirfarandi skilyrði: 

• vera orðinn 16 ára á umsóknardegi, en til úthlutunar kemur þó aldrei
  fyrr en 18 ára aldri hefur verið náð
• hafa staðfesta fötlunargreiningu og vera metinn í þörf fyrir sértækt húsnæði. Hafi umsækjandi verið
  metinn samkvæmt matinu Support Intensity Scale (SIS) skal hann vera metinn í 5.
  flokk eða hærra, sem þýðir að viðkomandi þurfi yfir 15. klst. í stuðning á viku
• Umsækjandi sem hefur tímabundið dvalarleyfi skal leggja fram afrit af dvalarleyfinu
  Skilyrði er að gildistími dvalarleyfisins sé að lágmarki 12 mánuðir
• metinn til að lágmarki fimm stiga samkvæmt matsviðmiðum
• vera ekki í vanskilum við Akureyrarbæ vegna leigugreiðslna.

Sjá nánari upplýsingar um meðhöndlun umsókna og nauðsynleg fylgigögn í kafla III í Reglur um félagslegt leiguhúsnæði Akureyrarbæjar

Með fötlunargreiningu er átt við staðfestingu frá Greiningar- og ráðgjafarstöð ríkisins, viðurkenndri sjúkrastofnun
eða teymi fagfólks sem hefur sérfræðiþekkingu á fötlun.

Umsækjandi þarf að uppfylla öll eftirfarandi skilyrði:

• vera orðinn 18 ára á umsóknardegi
• eiga lögheimili á Akureyri á umsóknardegi
• Umsækjandi sem hefur tímabundið dvalarleyfi skal leggja fram afrit af dvalarleyfinu. Skilyrði er að gildistími dvalarleyfisins sé að lágmarki 12 mánuðir
• vera metinn til að lágmarki sex stiga skv. matsviðmiðum um áfangaheimili

Fylgigögn með umsókn:

Eftirfarandi gögn þurfa að liggja fyrir við afgreiðslu umsóknar:

• Mats- og þarfagreiningarlisti velferðarsviðs Akureyrarbæjar sem unninn er í samvinnu við umsækjanda
• Greinargerð um félagslegar og heilsufarslegar aðstæður umsækjanda frá ráðgjafa eða öðrum fagaðila
• Gögn frá heilbrigðisþjónustu og/eða öðrum þjónustuaðilum ef við á
• Afrit af tímabundnu dvalarleyfi í þeim tilvikum sem það á við

Ef umsækjandi er í vanskilum með leigugreiðslur við Akureyrarbæ öðlast umsóknin ekki gildi fyrr en umsækjandi hefur greitt að fullu eða samið um skuldina. Sama gildir um umsókn um milliflutning.