Húsnæði fyrir fatlað fólk

Þau sem uppfylla skilyrði Akureyrarbæjar um félagslegt húsnæði (eigna- og tekjumörk) geta sótt um félagslega leiguíbúð í gegnum Þjónustugátt Akureyrarbæjar. Þar er einnig hægt að sækja um íbúðir í eigu Brynju hússjóðs Öryrkjabandalagsins og Hússjóðs landssamtakanna Þroskahjálpar.

Á umsóknareyðublaðinu skal merkja við ef þörf er á sérútbúnu eða sérstöku húsnæði vegna fötlunar og skal þá gera mat á þeirri þörf áður en íbúð er úthlutað. Ef umsækjandi er ekki í þörf fyrir sérstakt eða sérútbúið húsnæði en þarf aðstoð við heimilishald getur hann sótt um heimaþjónustu á Þjónustugátt.

Reglugerð um þjónustu við fatlað fólk á heimili sínu nr. 1054/2010.

Velferðarsvið Akureyrarbæjar, Glerárgötu 26, sími 460 1000, velferdarsvid@akureyri.is. Afgreiðslutími er virka daga kl. 9-15.

Matsviðmið um sértækt húsnæðisúrræði fyrir fatlað fólk

Aðeins er hægt að fá stig fyrir einn lið í hverjum flokki hér fyrir neðan - hámark stiga úr þessu mati eru 15 stig.

Til þess að umsókn verði samþykkt á biðlista þarf umsækjandi að vera metinn til að lágmarki
5 stiga.

1. Húsnæðisstaða

Húsnæðisstaða	Stig
Umsækjandi er með öruggt húsnæði, s.s. i eigin fasteign eða í leiguhúsnæði með meira en 6 mánaða samning og húsnæðið mætir þörfum umsækjanda	0
Umsækjandi býr hjá aðstandendum og ekki er brýn þörf á sértæku húsnæði	1
Umsækjandi býr í öruggu húsnæði, s.s. i eigin fasteign eða í leiguhúsnæði með meira en 6 mánaða samning en húsnæðið mætir ekki þörfum umsækjanda	2
Umsækjandi býr hjá aðstandendum og brýn þörf er á að hann fái sértækt húsnæði	2
Flutningur á milli þjónustuúrræða, s.s. á milli búsetuendurhæfingar, áfangaheimilis eða heimilis fyrir börn	2
Umsækjandi hefur dvalið á stofnun lengur en sex mánuði samfellt og er útskriftarfær	3
*
ATH - Aðeins er hægt að fá stig fyrir einn lið hér fyrir ofan - hámark stiga úr þessum kafla eru 3 stig.

2. Félagslegar aðstæður

Félagslegar aðstæður	Stig
Á ekki við	0
Umsækjandi fær ekki þann stuðning sem hann þarf í núverandi aðstæðum	2
Veruleg umönnunarbyrði sem skapar óviðunandi álag fyrir umsækjanda og umönnunaraðila	4
*
Aðeins er hægt að fá stig fyrir einn lið í hverjum dálki - hámark stiga úr þessum kafla eru 4 stig.

3. Þjónustuþörf

þjónustuþörf	Stig
Umsækjandi hefur verið með hámarksþjónustu skammtímavistunar í meira en 12 mánuði	2
Umsækjandi hefur verið vistaður tímabundið utan heimilis, eða að lágmarki í 3 mánuði á ári, vegna álags á umönnunaraðila	3
Umsækjandi er vistaður varanlega í neyðarvistun	4
*
Aðeins er hægt að fá stig fyrir einn lið í hverjum dálki- hámark stiga úr þessum kafla eru 4 stig

4. Staða umsækjanda samkvæmt stuðningsþjónustumati

Staða umsækjanda samkvæmt stuðningsþjónustumati	Stig
SIS 0-5 (ekki metinn í þörf fyrir sértækt húsnæðisúrræði)	0
SIS 6-8 (þarf 15-20 tíma á viku í stuðning)	2
SIS 9-10 (þarf verulegan stuðning)	3
SIS 11-12A/B (þarf sólarhringsþjónustu)	4
*
Aðeins er hægt að fá stig fyrir einn lið í hverjum dálki - hámark stiga úr þessum kafla eru 4 stig.

Síðast uppfært 21. mars 2025