Stuðnings- og stoðþjónusta

Stuðnings- og stoðþjónustan felur í sér fjölbreytta aðstoð fyrir einstaklinga, fjölskyldur og heimili. Markmiðið er að valdefla notendur til sjálfbjargar og sjálfræðis, þannig að þeir geti búið sem lengst á eigin heimili með sem mestum lífsgæðum.

Stuðnings- og stoðþjónusta

• Aðstoð við persónulega umsjá
• Aðstoð við heimilishald
• Félagslegan stuðning
• Aðstoð við umsjá veikra eða fatlaðra barna
• Ráðgjöf iðjuþjálfa
• Heimsendingu matar
• Aðstoð við innkaup og erindrekstur.

Matsteymi velferðarsviðs metur þörf fyrir þjónustu og sér jafnframt um mat á þjónustuþörf fyrir nágrannasveitarfélög samkvæmt samningi.

Stuðnings- og stoðþjónusta og heimahjúkrun starfrækja saman næturvakt.

Til að sækja um þjónustu er farið í gegnum Þjónustugátt og til þess notuð rafræn skilríki. Aðstoðarmaður getur sótt um fyrir viðkomandi á sínum rafrænum skilríkjum en þá þarf að muna eftir að breyta upplýsingum inni á svæðinu. 

Hægt er að fá aðstoð við umsóknir í móttöku velferðarsviðs Akureyrarbæjar.

Fyrir nánari upplýsingar má hafa samband við Velferðarsvið Akureyrarbæjar, Glerárgötu 26, sími 460 1000, velferdarsvid@akureyri.is. Afgreiðslutími er virka daga kl. 9-15.