Einstaklingsstuðningur

Einstaklingsstuðningur, sem áður hét félagsleg liðveisla, er veittur bæði fötluðum börnum á aldrinum 6-17 ára og fullorðnum fötluðum á aldrinum 18-66 ára. Börn og fullorðnir sem glíma við félagslegar áskoranir sambærilegar fötlun, til dæmis vegna ADHD-greiningar eða langvinnra veikinda, geta einnig átt rétt á þjónustunni ef skilyrðum um félagslega einangrun eru uppfyllt.

Veittar eru að hámarki tíu klukkustundir í stuðning á mánuði, en mögulegt er að víkja frá þeim viðmiðum ef sérstök rök liggja fyrir. Slíkar undanþágur eru metnar af matsnefnd velferðar-, fræðslu- og lýðheilsusviðs áður en ákvörðun er tekin.

Í undantekningartilvikum má veita einstaklingsstuðning til einstaklinga sem búa á heimilum fatlaðs fólks, þó að hámarki átta klukkustundir á mánuði.

Markmið einstaklingsstuðnings

• Að styðja notendur í að öðlast sjálfstæði í félagslegum aðstæðum, t.d. með þátttöku í menningarviðburðum
• Að hjálpa notendum að bæta lífsgæði sín með þátttöku í tómstundum sem stuðla að aukinni félagslegri virkni
• Að skapa upplifanir sem styrkja persónulegan þroska
• Að hvetja notendur til að stíga út fyrir þægindarammann og uppgötva nýja styrkleika
• Að efla félagsfærni og sjálfsmynd með fjölbreyttum viðfangsefnum
• Að tryggja að hver og einn njóti sín í samfélaginu með þátttöku á sínum forsendum
• Að vinna faglega, með virðingu fyrir sérstöðu notenda og í samvinnu við aðstandendur

Sótt er um félagslega liðveislu í þjónustugátt Akureyrarbæjar.

Fyrir nánari upplýsingar má hafa samband við fræðslu- og lýðheilsusvið Akureyrarbæjar, Glerárgötu 26, sími 460 1000, einstaklingsstudningur@akureyri.is. Afgreiðslutími er virka daga kl. 9-15.

Lög um félagsþjónustu sveitarfélaga eru hér og reglur Akureyrarbæjar um einstaklingsstuðning finnast hér.