Vinnuskóli 14 og 15 ára unglinga

Starfsstöðvar 14 og 15 ára unglinga

14 og 15 ára unglingar eru í vinnuhópum sem starfa um bæinn á starfsstöðvum í sínu hverfi. Hóparnir hafa aðstöðu í grunnskólum bæjarins fyrir verkfæri. Unglingum með gróðurofnæmi eða félagsleg vandamál er í mörgum tilfellum boðið upp á að vinna á leikskólum bæjarins eða önnur úrræði fundin.

Starfstímabil og vinnutími

Starfstímabilið hjá 14 ára (2010) er frá 11. júní - 16. ágúst. Vinnutíminn er frá 12:15-15:45 frá mánudegi til föstudags.
Hver 14 ára unglingur getur unnið allt að 105 klst. Ekki er leyfilegt að fara fram yfir heildar tímann.

Starfstímabilið hjá 15 ára (2009) er frá 11. júní - 16. ágúst. Vinnutíminn er frá 8:00 - 11:30 frá mánudegi til föstudags.
Hver 15 ára unglingur getur unnið allt að 120 klst. Ekki er leyfilegt að fara fram yfir heildar tímann.

Launakjör og launagreiðslur

Laun verða greidd inn á launareikning í banka. Mjög mikilvægt er að upplýsingar um banka, höfuðbók og númer reiknings séu réttar (ath. kortanúmer eru ekki bankareikningsnúmer).

Komi réttar upplýsingar um bankareikning ekki í tæka tíð fyrir útborgun, bíður launagreiðsla til næstu útborgunar.

14 ára fá greitt samkvæmt kjarasamningi Sambands íslenskra sveitarfélaga og Einingar-Iðju, 30% af launaflokki 117
15 ára fá greitt samkvæmt kjarasamningi Sambands íslenskra sveitarfélaga og Einingar-Iðju, 40% af launaflokki 117

Skattur

Skatthlutfall barna, þ.e. þeirra sem fædd eru 2009 eða síðar, er 6% (4% tekjuskattur, 2% útsvar) af tekjum umfram frítekjumark barna sem er 180.000 kr.

Lífeyrissjóður

14 og 15 ára unglingar greiða ekki í lífeyrissjóð.

Veikindi

14 og 15 ára unglingar eiga ekki veikindarétt á launum.