Fjársýslusvið

Fjársýslusvið er stoðsvið sem sér um greiðslu og innheimtu reikninga, ásamt umsjón með skuldabréfum sveitarfélagsins. Sviðið skráir reikninga og heldur utan um bókhald, starfsáætlanir og fjárhagsáætlanir sviða og stofnana bæjarins auk eftirfylgni þeirra. Það gerir spár um íbúa- og hagþróun, veitir stjórnendum ráðgjöf og fræðslu, framkvæmir stjórnunarúttektir og gefur út tölulegar upplýsingar um bæjarfélagið. Einnig fer sviðið með innkaupastjórn og sér um rekstur tölvukerfa bæjarskrifstofanna og tengingar við stofnanir bæjarins.