Ráðgjöf iðjuþjálfa

Ráðgjöf iðjuþjálfa felur meðal annars í sér heimilisathugun, þar sem veitt er fræðsla og ráðgjöf, auk þess sem þörf fyrir hjálpartæki og/eða aðra velferðartækni er metin. Ef þörf er á hjálpartæki er það valið í samráði við einstaklinginn. Í þeim tilvikum þar sem Sjúkratryggingar Íslands taka þátt í kostnaði vegna hjálpartækja, sér iðjuþjálfinn um að senda inn umsókn og veitir jafnframt leiðbeiningar og þjálfun í notkun tækjanna.

Markmið iðjuþjálfa er að styðja einstaklinginn í því að geta dvalið heima eins lengi og kostur er, viðhalda sjálfstæði sínu í daglegu lífi og þar með auka lífsgæði hans.

Til að sækja um þjónustu er farið í þjónustugátt Akureyrarbæjar þar sem notast er við rafræn skilríki. Aðstoðarmaður getur einnig sótt um fyrir hönd viðkomandi með sínum eigin rafrænum skilríkjum en mikilvægt er að breyta upplýsingum á svæðinu eftir þörfum.

Athugið að þjónustan er að hluta tekjutengd. Umsóknum þeirra sem einungis óska eftir þrifum og eru yfir tekjuviðmiði kann að vera synjað. Í slíkum tilvikum er bent á fyrirtæki sem bjóða upp á almenn heimilisþrif.

Frekari upplýsingar má nálgast hjá velferðarsviði Akureyrarbæjar, Glerárgötu 26, sími 460 1000, velferdarsvid@akureyri.is. Afgreiðslutími er virka daga kl. 9-15.

Umsóknir um ráðgjöf iðjuþjálfa eru teknar fyrir hjá matsteymi velferðarsviðs einu sinni í viku.

Upplýst samþykki til að afla og miðla upplýsingum.

Sjúkratryggingar Íslands