Velferðarráð

Velferðarráð fer með stjórn félagsmála í umboði bæjarstjórnar Akureyrar og leggur fram tillögur um stefnumörkun í félags- og velferðarmálum. Ráðið fylgist með því að deildir og stofnanir á þess vegum starfi í samræmi við sett markmið, veiti góða þjónustu og tryggi skilvirkni og hagkvæmni í rekstri. Félagsþjónusta Akureyrarbæjar stuðlar að fjárhagslegu og félagslegu öryggi íbúa og eflir velferð þeirra. Velferðarráð kappkostar að veita þjónustu í samræmi við þarfir íbúa og tryggja aðgengi að upplýsingum um hana. Ráðið vinnur einnig með opinberum aðilum, félagasamtökum og einstaklingum að því að bæta félagslegar aðstæður og umhverfi í sveitarfélaginu.