Bekkjarfulltrúar

Bekkjarfulltrúar stuðla að auknu samstarfi milli foreldra með það að markmiði að styðja við og stuðla að jákvæðri menningu innan barnahópsins. Bekkjarfulltrúar eru valdir snemma að hausti (t.d. á haustkynningafundi) af foreldrum og gert er ráð fyrir einum bekkjarfulltrúa á hverja 10 nemendur í bekk.

Bekkjarfulltrúar stuðla að samræðu og samstarfi milli foreldra um málefni bekkjarins, mikilvægt er m.a. að ræða:

• Samskipti í bekknum
• Fyrirkomulag í kringum afmæli (afmælishópar, 3-4 börn sameinist og bjóði öllum, allar stelpur, allir strákar, gjafakostnaður o.fl.)
• Tölvunotkun - sameiginleg viðmið/reglur
• Annað sem foreldrahópurinn telur mikilvægt að ræða og samstilla

• Bekkjarfulltrúar skipuleggja a.m.k. þrjár uppákomur/skemmtanir með nemendum og
  foreldrum á hverju skólaári. Bekkjarfulltrúar geta virkjað fleiri foreldra til að taka þátt í að
  skipuleggja uppákomurnar.
• Kennarar geta leitað til bekkjarfulltrúa varðandi þátttöku foreldra í skólastarfinu t.d. í
  tengslum við vettvangsferðir og ýmsar uppákomur
• Bekkjarfulltrúar eru tengiliðir bekkjarins við foreldrafélagið og eru í samstarfi við félagið um
  framkvæmd einstakra stærri viðburða s.s. vorhátíð og fleira
• Bekkjarfulltrúar skulu gæta þess að hafa velferð nemenda, foreldra og kennara að leiðarljósi í
  bekkjarstarfinu og virða trúnað um persónulega hagi nemenda og foreldra