Íþróttastarf
Á Akureyri er blómlegt íþróttalíf þar sem hægt er að æfa allar helstu íþróttagreinar.
Íþróttastarf á Akureyri er borið uppi af frjálsum félagasamtökum sem halda úti öflugu starfi. Akureyrarbær styður íþróttaiðkun í bæjarfélaginu bæði beint og óbeint, meðal annars með því að veita félögunum aðstöðu og fjárhagslega styrki.
Á heimasíðu Íþróttabandalags Akureyrar má finna lista yfir aðildarfélög, sem gefur innsýn í það fjölbreytta íþróttastarf sem er í boði á Akureyri. Auk þess starfa fjölmörg önnur félög utan bandalagsins, þar á meðal Bridgefélag Akureyrar, Skákfélag Akureyrar og Stangveiðifélag Akureyrar, svo nokkur dæmi séu nefnd.
Afrekssjóður Akureyrar
Afrekssjóður Akureyrarbæjar styður afreksíþróttastarf á vegum Íþróttabandalags Akureyrar (ÍBA). Aðildarfélög og iðkendur ÍBA geta sótt um styrki í samræmi við reglugerð sjóðsins. Til að eiga rétt á ferðastyrk þurfa umsækjendur að vera með lögheimili í Akureyrarbæ.
Rekstrarsamningar, rekstrarstyrkir, tímaúthlutunarstyrkir
Í ákveðnum tilfellum gerir Akureyrarbær rekstrarsamninga við íþróttafélög á Akureyri um rekstur og umsjón íþróttamannvirkja sem eru í eigu Akureyrarbæjar.
- Hestamannafélagið Léttir vegna Reiðhallar 2024-2028
- Íþróttafélagið Þór vegna íþróttasvæðis Þórs 2024-2028
- Knattspyrnufélag Akureyrar vegna íþróttasvæðis KA 2024-2028
- Skautafélag Akureyrar vegna Skautahallar
- Siglingaklúbburinn Nökkvi vegna félagssvæðis við Drottningabraut. Október 2022.
- Golfklúbbur Akureyrar vegna golfvallar 2024-2028
- Uppbyggingarsamningur milli Akureyrarbæjar og Golfklúbbs Akureyrar um uppbyggingu á félagssvæði GA 8. september 2023.
- Uppbyggingarsamningur milli Akueyrarbæjar og Knattspyrnufélags Akureyrar um uppbyggingu á félagssvæði KA - 23. maí 2023
- Samstarfssamningur Akureyrarbæjar og ÍBA frá 14. ágúst 2024
- Styrktarsamningur Akureyrarbæjar og SKA vegna Andrésar Andar leikanna í Hlíðarfjalli 2024-2028
- Styrktarsamningur Akureyrarbæjar og UFA vegna frjálstíþróttaviðburða 2023-2025.