Rafrænir reikningar

Birgjar sem ekki geta sent reikninga rafrænt geta notað rafrænt form á vefsíðu bæjarins. Mikilvægt er að kynna sér Leiðbeiningar fyrir notkun rafræns forms áður en það er notað. Rafræna formið er þó aðeins ætlað fyrir fáa reikninga á ári. Birgjar bera ábyrgð á að varðveita afrit af innsendum reikningum.

Kostnaðarstöðvar
Æskilegt er að á reikningi komi fram númer kostnaðarstöðvar hjá Akureyrarbæ. Hver stofnun eða deild bæjarins hefur sérstakt bókhaldsnúmer sem auðkennir kostnaðarstöðina. Sjá upplýsingar um kostnaðarstöðvar hér.

Tæknilegar kröfur
Reikningar skulu vera á XML formi og uppfylla tækniforskrift TS-236 frá Staðlaráði Íslands. Akureyrarbær tekur við reikningum á eldri staðli, þó hann verði úreltur innan tíðar. PDF-reikningar í tölvupósti eða reikningar á pappír eru ekki samþykktir frá 1. febrúar 2022.

Greiðsla reikninga
Akureyrarbær greiðir reikninga með millifærslum til að lágmarka notkun greiðsluseðla. Ef greiðsluseðlar eru notaðir, þarf greiðsluseðlarönd að koma fram á reikningnum. Birgjar geta einnig fengið sundurliðun greiðslna sendar í tölvupósti með því að skrá netfang hjá bænum.

Fyrirspurnir
Fyrirspurnir varðandi rafræna reikninga skal senda á netfangið: rafraenir.reikningar@akureyri.is.

Form reikninga

Reikninga skal stíla á nafn Akureyrarbæjar og kennitölu (4101696229).

Einnig geta reikningar í ákveðnum tilfellum verið stílaðir á eftirfarandi kennitölur:

• Fasteignir Akureyrarbæjar, kt. 7105012380
• Hafnasamlag Norðurlands bs., kt. 6503712919
• Heilbrigðiseftirlit Norðurlands eystra, kt. 4701992029

Á reikningum skal koma fram:

• Lýsing á hinu selda og magn, einingarverð og heildarverð
• Nafn sendanda og kennitala auk virðisaukaskattsnúmers sendanda (ef við á)
• Útgáfudagur reiknings
• Númer reiknings (í hlaupandi töluröð)
• Hvaða deild/stofnun pantaði vöru/þjónustu eða samningsnúmer (númer kostnaðarstöðvar)
• Gjalddagi og/eða eindagi
• Nafn eða kennitala þess er pantaði vöruna (ef uppgefið af kaupanda)
• Bankaupplýsingar
• Aðrar viðeigandi upplýsingar eftir þörfum s.s. bílnúmer, fastanúmer eignar, símanúmer, verknúmer, main-manager númer o.s.frv.

Farið er fram á að viðbótarupplýsingar með reikningi, svo sem tíma- og verkskýrslur séu sendar sem viðhengi á pdf formi með rafrænum reikningum eða sem hlekkur í reikningnum.