Forvarnir

Forvarnastefna Akureyrarbæjar miðar að því að standa vörð um hagsmuni barna og ungmenna og tryggja uppeldisskilyrði þeirra.

Forvarna- og félagsmálaráðgjafar bera ábyrgð á að skipuleggja og framkvæma forvarna- og félagsmiðstöðvastarf fyrir börn og unglinga í samræmi við gildandi stefnu í forvarnamálum. Ráðgjafarnir sinna bæði almennu og sértæku forvarnastarfi í nánu samstarfi við grunnskóla og aðra sem vinna með börnum og unglingum, svo sem félagsþjónustu og barnavernd. Hver grunnskóli hefur sinn eigin forvarna- og félagsmálaráðgjafa sem tengilið og samstarfsaðila. Einnig hafa verið tilnefndir tengiliðir fyrir forvarnir í leikskólum og framhaldsskólum. Forvarna- og félagsmálaráðgjafar mynda sameiginlega forvarnateymi sem hefur yfirsýn yfir stöðu mála.

Leiðarljós forvarnastefnu Akureyrarbæjar:
• Foreldrar gegna lykilhlutverki.
• Jákvæð og sterk sjálfsmynd – virðing fyrir sjálfum sér og öðrum.
• Heilbrigðir lífshættir – heilsueflandi samfélag.
• Greiður aðgangur að íþrótta-, lista- og tómstundastarfi.

Aðgerðaáætlun forvarnastefnu styður þá sem vinna með börnum og ungmennum. Hún felur í sér bæði almennar og sértækar aðgerðir og endurspeglar áherslur sem teknar eru í forvarnamálum.

Forvarnastefna Akureyrarbæjar

Framkvæmdaáætlun forvarna 2021-2023

Upplýsingabæklingur fyrir foreldra um fræðslu fyrir grunnskólanema

Heildarskýrsla Íslensku æskulýðsrannsóknarinnar fyrir Akureyrarbæ 2023

Samantekt á helstu niðurstöðum ÍÆ 2023

Forvarna- og félagsmálaráðgjafar halda úti hlaðvarpi þar sem fjallað er um ýmis málefni sem tengjast börnum og ungmennum. Sömuleiðis skrifa þau stundum greinar um málefni líðandi stunda sem varðar sama málaflokk.