Bæjarráð - 3838

Afgreiðsla málsins er trúnaðarmál og er færð í trúnaðarmálabók bæjarráðs.

Albertína Friðbjörg Elíasdóttir framkvæmdastjóri Samtaka sveitarfélaga og atvinnuþróunar á Norðurlandi eystra og Elva Gunnlaugsdóttir verkefnastjóri SSNE mættu til fundar og kynntu starfsemi og helstu áherslur SSNE.

Gunnar Már Gunnarsson bæjarfulltrúi sat fundinn undir þessum lið.

Lára Halldóra Eiríksdóttir og Hulda Elma Eysteinsdóttir bæjarfulltrúar sátu fundinn undir þessum lið í gegnum fjarfundarbúnað.

Bæjarráð þakkar fyrir kynninguna.

Erindi dagsett 12. febrúar 2024 þar sem stjórn Iðnaðarsafnsins óskar eftir því að Akureyrarbær veiti aukafjármagn til lokauppgjörs á rekstri safnsins. Bæjarráð samþykkti á fundi sínum 8. febrúar 2024 samkomulag um að Minjasafnið á Akureyri taki við rekstri Iðnaðarsafnsins næstu þrjú árin.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Bæjarráð samþykkir að veita allt að kr. 2.500.000 vegna lokauppgjörs á rekstri safnsins og felur sviðsstjóra fjársýslusviðs að vinna viðauka vegna málsins.

Fylgiskjöl

• Iðnaðarsafnið - erindi 12 februar 2024.pdf

Lagðar fram til umfjöllunar og afgreiðslu tillögur fagráðs Barnamenningarhátíðar um styrkveitingar til verkefna hátíðarinnar.

Þórgnýr Dýrfjörð forstöðumaður atvinnu- og menningarmála og Almar Alfreðsson verkefnastjóri menningarmála sátu fund bæjarráðs undir þessum lið.

Bæjarráð samþykkir framlagðar tillögur fagráðs um styrkveitingar til verkefna á Barnamenningarhátíð.

Lögð fram tillaga faghóps um val á bæjarlistamanni Akureyrar 2024.

Þórgnýr Dýrfjörð forstöðumaður atvinnu- og menningarmála og Almar Alfreðsson verkefnastjóri menningarmála sátu fund bæjarráðs undir þessum lið.

Bæjarráð samþykkir framlagða tillögu um val á bæjarlistamanni Akureyrar 2024 en tilkynnt verður um valið á Vorkomu Akureyrarbæjar á sumardaginn fyrsta.

Lögð fram tillaga faghóps um byggingarlistaverðlaun Akureyrarbæjar 2024. Tilgangur með veitingu byggingarlistaverðlauna er að vekja athygli á góðri byggingarlist, auka þekkingu og skilning á gæðum bygginga og vera þannig hvati til góðra verka.

Þórgnýr Dýrfjörð forstöðumaður atvinnu- og menningarmála og Almar Alfreðsson verkefnastjóri menningarmála sátu fund bæjarráðs undir þessum lið.

Bæjarráð samþykkir framlagða tillögu um byggingarlistaverðlaun Akureyrarbæjar 2024, en tilkynnt verður um viðurkenningarhafa á Vorkomu Akureyrarbæjar á sumardaginn fyrsta.

Lögð fram fundargerð 167. fundar hverfisráðs Hríseyjar dagsett 7. febrúar 2024.

Bæjarráð vísar fundargerðinni til skipulagsráðs.

Fylgiskjöl

• 167. fundur 07.02.2024.pdf

Lögð fram til kynningar fundargerð 60. fundar stjórnar SSNE dagsett 7. febrúar 2024.

Fylgiskjöl

• Fundargerð 60 fundar.pdf

Lögð fram til kynningar fundargerð 942. fundar stjórnar Sambands íslenskra sveitarfélaga dagsett 26. janúar 2024.

Fylgiskjöl

• stjórn Sambands íslenskra sveitarfélaga - 942.pdf