Íþróttaráð - 163

Erindi dagsett 14. janúar 2015 frá Ólafi Ó. Óskarssyni f.h. Líkamsræktarinnar Bjargs þar sem óskað er eftir að Bjarg fá að taka á móti frístundastyrk Akureyrarbæjar fyrir námskeið 12-17 ára unglinga.

Íþróttaráð samþykkir erindið og heimilar Bjargi að taka á móti frístundastyrk fyrir 12 vikna námskeið 12-17 ára unglinga.

Erindi dagsett 8. desember 2014 frá Jóni Óskari Ísleifssyni þar sem óskað er eftir aðkomu Akureyrarbæjar við að fá kvennalandsleik í handknattleik til Akureyrar.

Íþróttaráð getur ekki orðið við erindinu.

Lagt fram til kynningar og umræðu samanburður á hluta af niðurstöðum úr könnunninni 'Heilsa og lífskjör íslenskra skólanema'. Upplýsingar úr könnuninni tengdum nemendum á Akureyri árið 2010 og 2014 bornar saman.

Lögð fram drög að endurskoðaðri samþykkt fyrir íþróttaráð.

Íþróttaráð samþykkir drög að Samþykkt fyrir íþróttaráð. Samþykktin send til bæjarráðs til frekari afgreiðslu.

Umræður og vinna við starfsáætlun íþróttaráðs 2015-2018 með tilliti til íþróttastefnu Akureyrarbæjar og langtímaáætlunar íþróttaráðs.