Velferðarráð - 1397

Á fundi velferðarráðs 27. nóvember 2024 var afgreiðslu styrkbeiðnar frestað og óskað eftir frekari upplýsingum.

Aðstandendum verkefnisins var boðið að koma á fund ráðsins. Sigríður Gísladóttir og Elísabet Ýrr Steindórsdóttir frá Okkar heimi sátu fundinn undir þessum lið og kynntu verkefnið.

Velferðarráð þakkar góða kynningu á verkefninu. Velferðarráð er tilbúið að styrkja verkefnið um kr. 400. 000 með þeim fyrirvara að fyrir liggi að verkefnið sé að fullu fjármagnað og ljóst að það fari af stað.

Kynning á fræðsluáætlun velferðarsviðs. Ingunn H. Bjarnadóttir og Sigurlaug Indriðadóttir Unnardóttir frá Símey sjá um kynninguna.

Lögð fram áfrýjun vegna umsóknar um styrk vegna náms og verkfæra og tækjakaupa. Aðalbjörg Guðný Árnadóttir ráðgjafi í málaflokki fatlaðra sat fundinn undir þessum lið.

Áfrýjun vegna styrkumsóknar og afgreiðsla hennar færð í trúnaðarbók.

Lagðar fram til samþykktar breytingar á reglum um sérstakan húsnæðisstuðning.

Guðni Örn Hauksson húsnæðisfulltrúi sat fundinn undir þessum lið.

Velferðarráð samþykkir reglurnar fyrir sitt leyti og vísar þeim til bæjarstjórnar.