Velferðarráð - 1394

Lögð fram til kynningar skýrsla vinnuhóps vegna uppbyggingar á lífsgæðakjarna fyrir eldri borgara.

Hulda Elma Eysteinsdóttir bæjarfulltrúi sat í vinnuhópnum og kynnti skýrsluna ásamt Karli Erlendssyni formanni Ebak.

Lagt fram til samþykktar nýtt tímagjald í NPA þjónustu fyrir árið 2025.

Velferðarráð samþykkir tímagjald í NPA þjónustu fyrir árið 2025.

Lagður fram til samþykktar samstarfssamningur um þjónustu Grófarinnar á Akureyri.

Samstarfssamningur um þjónustu Grófarinar á Akureyri var ekki samþykktur, heldur lagður fram til frekari skoðunar.

Lagður fram til kynningar samningur um samstarf þjónustuaðila á sviði endurhæfingar.

Tekið fyrir erindi frá Alzheimersamtökunum þar sem bent er á verkefnið "Fjólublái bekkurinn" sem er áminning um vitundarvakningu Alzheimersamtakanna.

Velferðarráð tekur vel í að komið verði upp fjólubláum bekk í bænum sem áminningu um vitundarvakningu Alzheimersamtakanna. Málinu vísað áfram til umhverfis- og mannvirkjasviðs til frekari vinnslu.

Lögð fram drög að fundaáætlun velferðarráðs fyrir árið 2025.