Velferðarráð - 1395

Lagður fram til samþykktar samstarfssamningur um þjónustu Grófarinnar á Akureyri. Anna Marit Níelsdóttir forstöðumaður og Pálína Halldórsdóttir framkvæmdastjóri Grófarinnar sátu fundinn undir þessum lið.

Velferðarráð samþykkir samninginn með 4 atkvæðum.



Snæbjörn Ómar Guðjónsson V-lista greiðir atkvæði gegn erindinu og óskar eftirfarandi bókunar: Grófin geðrækt er mikilvægur vettvangur fyrir fólk sem glímir við geðrænar áskoranir. Grófin geðrækt hefur verið starfandi á Akureyri undanfarin 10 ár og öll hljótum við að gera okkur grein fyrir þeirri mikilvægu félagsþjónustu sem veitt er í Grófinni. Akureyrarbær og Grófin gerðu með sér samstarfssamning sem var gerður til 1 árs og gilti hann frá tímabilinu 1. janúar - 31. desember 2024. Nú liggur fyrir á fundi velferðarráðs þann 27. nóvember 2024 drög að nýjum samningi til samþykktar fyrir árið 2025. Samningur felur í sér að Akureyrarbær greiði Grófinni 2.500.000 til þess að sinna þjónustu sinni. Undirritaður samþykkir ekki þessa upphæð þar sem forsendur fyrir rekstri Grófarinnar hljóta að vera í uppnámi þar sem húsaleiga Grófarinnar mun margfaldast á samningstímanum, núverandi húsaleiga er 350.000 en verður 1.150.000, á ársgrundvelli er þetta 9.900.000 mismunur.



Elsa María Guðmundsdóttir S-lista tekur undir bókun Snæbjörns.

Lögð fram áfrýjun vegna akstursþjónustu.

Anna Marit Níelsdóttir forstöðumaður sat fundinn undir þessum lið.

Áfrýjun akstursþjónustu og afgreiðsla hennar er færð í trúnaðarbók velferðarráðs.

Farið yfir stöðu samnings um samræmda móttöku flóttafólks auk almennra upplýsinga um stöðu mála í samræmdri móttöku flóttafólks.

Anna Marit Níelsdóttir forstöðumaður og Drífa Björk Radiskovic verkefnastjóri í málefnum flóttafólks sátu fundinn undir þessum lið.

Lagður fram til samþykktar samningur um barnaverndarþjónustu á Norðurlandi eystra. Halldóra K. Hauksdóttir lögmaður og Vilborg Þórarinsdóttir forstöðumaður sátu fundinn undir þessum lið.

Velferðarráð samþykkir samninginn fyrir sitt leyti og vísar honum til bæjarstjórnar.

Lögð fram drög að fjárhagsáætlun fyrir velferðarsvið 2025 með breytingum vegna hagræðingar.

Lagt fram erindi frá Páleyju Borgþórsdóttur fyrir hönd Bjarmahlíðar þolendamiðstöðvar þar sem óskað er eftir fjárframlagi frá Akureyrarbæ til reksturs miðstöðvarinnar árið 2025.

Velferðarráð samþykkir beiðni Páleyjar Borgþórsdóttur sem barst fyrir hönd Bjarmahlíðar um styrk fyrir árið 2025 upp á 2 milljónir til reksturs úrræðisins og hvetur önnur sveitarfélög á svæðinu að gera slíkt hið sama.

Lagðar fram til kynningar reglur um styrki, verklag og fjármagn sem velferðarráð hefur til úthlutunar styrkja 2024.

Kvennaráðgjöfin óskar eftir ótilgreindum rekstrarstyrk frá Akureyrarbæ.

Velferðarráð getur ekki orðið við erindinu.

Óskað er eftir styrk að upphæð 600.000 kr. vegna verkefnis um að skrá sögu Plastiðjunnar Bjargs-Iðjulundar og gefa út í riti.

Velferðarráð óskar eftir kynningu á verkefninu þegar því lýkur og samþykkir styrk að upphæð kr. 600.000.

Okkar heimur góðgerðarsamtök sem stuðla að vitundarvakningu um geðrænan vanda sækja um styrk að upphæð kr. 400.000

Velferðarráð frestar afgreiðslu og óskar eftir frekari upplýsingum.

Norðurhjálp óskar eftir styrk að uppghæð kr. 3.600.000 upp í eða fyrir leigu.

Velferðarráð hafnar beiðni um styrk til húsaleigu, en samþykkir styrk að upphæð 400.000 kr. vegna úthlutana til einstaklinga.

Stígamót óska eftir frjálsu framlagi til styrktrar reksturs félagsins.

Velferðarráð getur ekki orðið við erindinu.

Fjölskylduhjálp Íslands óskar eftir frjálsu framlagi til styrktar starfseminnar.

Velferðarráð getur ekki orðið við erindinu.

Óskað eftir styrk vegna málþingsins "Hver grípur þig? Frí þjónusta á Norðurlandi"

Velferðarráð samþykkir styrk að upphæð 80.000 kr.

Velferðarsjóður Eyjafjarðarsvæðis sækir um styrk vegna jólaaðstoðar til einstaklinga og fjölskyldna á Eyjafjarðarsvæðinu vegna jólaaðstoðar 2024.

Velferðarráð samþykkir styrk að upphæð kt. 800.000.

Fundaáætlun velferðarráðs fyrir 2025 lögð fram til samþykkis.

Velferðarráð samþykkir fundaáætlun fyrir árið 2025.