Velferðarráð - 1342

Lögð fram drög að breytingum á reglum um styrki til náms, verkfæra- og tækjakaupa út frá lögum um þjónustu við fatlað fólk með langvarandi stuðningsþarfir nr. 38/2018.

Halldóra Hauksdóttir lögfræðingur velferðarsviðs og Anna Marit Níelsdóttir forstöðumaður í félagsþjónustu sátu fundinn undir þessum lið.

Velferðarráð samþykkir breytingar á reglum um styrki til náms og verkfæra- og tækjakaupa og vísar málinu til bæjarstjórnar.

Lögð fram drög að fjárhagsáætlun velferðarsviðs 2022 og starfsáætlun sviðsins 2022 - 2025.

Kolbeinn Aðalsteinsson forstöðumaður skrifstofu velferðarsviðs sat fundinn undir þessum lið.

Lögð fram starfsáætlun velferðarsviðs fyrir árið 2022.

Velferðarráð samþykkir framlagða starfsáætlun.

Lögð fram drög að framkvæmda- og viðhaldsáætlun velferðarsviðs fyrir árin 2022 - 2026.

Velferðarráð samþykkir áætlunina fyrir sitt leyti og vísar málinu til fjárhagsáætlunargerðar hjá umhverfis- og mannvirkjaráði.

Lagt fram til kynningar yfirlit yfir rekstur velferðarsviðs fyrstu sjö mánuði ársins.

Kolbeinn Aðalsteinsson forstöðumaður skrifstofu velferðarsviðs sat fundinn undir þessum lið.

Lögð fram til kynningar drög að stefnu um heilbrigðisþjónustu við aldraða sem kynnt var á Heilbrigðisþingi þann 20. ágúst sl. Um er að ræða skýrslu Halldórs S. Guðmundssonar dagsetta í júní 2021: Virðing og reisn. Samþætt heilbrigðis- og félagsþjónusta fyrir eldra fólk.

Enn fremur er umsögn Sambands íslenskra sveitarfélaga lögð fram til kynningar.