Velferðarráð - 1294

Lagt er fyrir minnisblað frá Laufeyju Þórðardóttur settum sviðsstjóra búsetusviðs þar sem beðið er um breytingu á skipuriti til að ráða nýjan forstöðumann.

Velferðarráð samþykkir breytingu á skipuriti og vísar málinu til bæjarráðs.

Lagðar fram tillögur að breytingum á reglum Akureyrarbæjar um fjárhagsaðstoð skv. lögum um félagsþjónustu sveitarfélaga nr. 40/1991.

Halldóra Kristín Hauksdóttir lögfræðingur fjölskyldusviðs sat fundinn undir þessum lið.

Lagt fram kynningar og umræðu. Halldóru Kristínu Hauksdóttur lögfræðingi fjölskyldusviðs falið að vinna málið áfram og leggja fram lokadrög og kostnaðargreiningu.

Reykjavíkurborg óskar eftir samstarfi um greiðslu gistináttagjalds í neyðarathvörfum borgarinnar.

Velferðarráð samþykkir að settum sviðsstjóra fjölskyldusviðs, Karólínu Gunnarsdóttur, verði falið að gera drög að samningi við Reykjavíkurborg um greiðslu gistináttagjalds neyðarathvarfa og þau drög lögð fram á næsta fundi.

Lagt fram til kynningar yfirlit vegna veittrar fjárhagsaðstoðar árið 2018.

Farið yfir stöðu málaflokka - félagsþjónusta og barnavernd.

Vilborg Þórarinsdóttir forstöðumaður barnaverndar sat fundinn undir þessum lið.

Lagt fram til kynningar.

Notendastýrð persónuleg aðstoð var lögfest skv. lögum um þjónustu við fatlað fólk með langvarandi þjónustuþarfir 1. október 2018.

Karólína Gunnarsdóttir settur sviðsstjóri fjölskyldusviðs og Laufey Þórðardóttir settur sviðsstjóri búsetusviðs lögðu fram tillögu að hækkun á tímagjaldi fyrir vinnustund sem greidd er til þjónustuþega NPA samninga.

Velferðarráð samþykkir tillögu að hækkun á tímagjaldi fyrir vinnustund sem greidd er til þjónustuþega NPA samninga.

Mál áður á dagskrá 30. janúar. Unnið að gerð aðgerðaáætlunar við velferðarstefnu Akureyrarbæjar.

Halldór Sigurður Guðmundsson framkvæmdastjóri ÖA sat fundinn undir þessum lið.

Velferðarráð óskar eftir því að bæjarráð, frístundaráð, fræðsluráð, skipulagsráð, stjórn Akureyrarstofu og umhverfis- og mannvirkjaráð geri tillögur til velferðarráðs að aðgerðaáætlun vegna þeirra verkefna í velferðarstefnu Akureyrarbæjar er heyra undir þeirra svið.

Óskað er eftir að ráðin skili niðurstöðum sínum til velferðarráðs fyrir 1. mars.

Velferðarráð felur sviðsstjórum að ljúka uppsetningu tillagna að aðgerðaáætlun eins og rætt var á fundinum. Tillögurnar verða teknar fyrir á næsta fundi velferðarráðs þann 20. febrúar.