Velferðarráð - 1399

Lögð fram til kynningar niðurstaða þjónustukönnunar Gallup fyrir árið 2024.

Anna Marit Níelsdóttir þjónustustjóri og Bergdís Ösp Bjarkadóttir forstöðumaður sátu fundinn undir þessum lið.

Velferðarráð óskar eftir að í næstu könnun verði bætt við ítarspurningum um þjónustu sveitarfélagsins við eldri borgara og fatlað fólk.

Umræða um aðgerðir til að kanna nánar álit notenda á þjónustu velferðarsviðs við eldri íbúa og fatlað fólk.

Anna Marit Níelsdóttir þjónustustjóri og Bergdís Ösp Bjarkadóttir forstöðumaður sátu fundinn undir þessum lið.

Á fundinum kom fram vilji til að halda stórþing fyrir eldri borgara nú strax í vor og sviðsstjórum velferðarsviðs og fræðslu- og lýðheilsusviðs falið að vinna að framgangi þess í samvinnu við EBAK. Að auki komu fram hugmyndir um þjónustukannanir, bæði er varðar þjónustu stuðningsþjónustu við aldraða, í Skógarlundi, stuðning við búsetu í þjónustukjörnum og stoðþjónustu.

Lagt fram til kynningar yfirlit yfir rekstur málaflokka velferðarráðs fyrir allt árið 2024.

Kolbeinn Aðalsteinsson forstöðumaður og Halldóra K. Hauksdóttir forstöðumaður sátu fundinn undir þessum lið.

Lagt fram til kynningar yfirlit yfir veitta fjárhagsaðstoð á öllu árinu 2024.

Halldóra K. Hauksdóttir forstöðumaður og Kolbeinn Aðalsteinsson forstöðumaður sátu fundinn undir þessum lið.

Umræða um uppbyggingu félagslegs húsnæðis fyrir húsnæðislaust fólk.

Halldóra K. Hauksdóttir forstöðumaður sat fundinn undir þessum lið.

Lagt fram til kynningar bréf dagsett 28. janúar 2025 frá Umhyggju og fleiri hagsmunasamtökum um stöðu fatlaðra barna í fyrirhuguðu verkfalli Kennarasambandsins.

Erindi dagsett 22. janúar 2025 frá Kvennaathvarfinu þar sem sótt er um rekstrarstyrk vegna athvarfsins á Akureyri.

Velferðarráð felur sviðsstjóra að gera rekstrarsamning, sem samsvarar hlutfalli Akureyrarbæjar miðað við íbúafjölda á Norðurlandi eystra, við Kvennaathvarfið á Akureyri til allt að þriggja ára.

Umræða um minnisblað dagsett 12. febrúar 2025 um þróun og framtíðarsýn í málaflokki fatlaðs fólks.

Velferðarráð samþykkir að stofna vinnuhóp um framtíðarsýn húsnæðis- og atvinnumála í málaflokki fatlaðs fólks.

Í hópnum verða Hulda Elma Eysteinsdóttir og Elsa María Guðmundsdóttir fyrir hönd velferðarráðs, ásamt starfsfólki frá velferðarsviði.