Velferðarráð - 1325

Bryndís Elfa Valdemarsdóttir skrifstofustjóri og jafnréttisráðgjafi kynnti mannréttindastefnu Akureyrarbæjar.

Velferðarráð þakkar Bryndísi fyrir kynningu á mannréttindastefnu Akureyrarbæjar.

Lagt fram til umræðu minnisblað dagsett 25. ágúst 2020 frá Önnu Marit Níelsdóttur, Fanneyju Jónsdóttur og Þórhildi G. Kristjánsdóttur um lengda viðveru fyrir fötluð börn.

Anna Marit Níelsdóttir forstöðumaður í félagsþjónustu og Kristinn J. Reimarsson sviðsstjóri samfélagssviðs sátu fundinn undir þessum lið.

Velferðarráð vísar erindinu til fjárhagsáætlunargerðar fyrir árið 2021.

Magnús Valur Axelsson og Pálína Ásbjörnsdóttir húsnæðisfulltrúar kynntu minnisblað vegna sérstaks húsnæðisstuðnings dagsettu 14. september 2020.

Velferðarráð felur húsnæðisfulltrúum og sviðsstjóra að vinna málið áfram.

Lögð fram beiðni um viðauka við fjárhagsáætlun. Lagt er til að hækka fjárhagsáætlun notendastýrðrar persónulegrar aðstoðar og þjónustukjarnans við Klettaborg. Að auki er lagt til að tekjuauki verði gerður vegna þjónustukjarnans í Hafnarstræti 28-30.

Kolbeinn Aðalsteinsson skrifstofustjóri búsetusviðs sat fundinn undir þessum lið.

Framvinda við gerð fjárhagsáætlana búsetu- og fjölskyldusviðs kynnt.

Kolbeinn Aðalsteinsson skrifstofustjóri búsetusviðs sat fundinn undir þessum lið.

Sigríður Inga Pétursdóttir M-lista yfirgaf fundinn kl. 16:07. <br />

Starfsáætlanir búsetu- og fjölskyldusviðs lagðar fram til samþykktar.

Velferðarráð samþykkir framlagðar starfsáætlanir.

Halldór S. Guðmundsson framkvæmdastjóri Öldrunarheimila Akureyrar kynnti yfirlit yfir fjölda einstaklinga sem metnir eru af færni- og heilsumatsnefnd í þörf fyrir dvalar- og hjúkrunarrými þann 1. september sl. ásamt upplýsingum um fjölda umsækjenda á biðlista eftir dagþjálfun.