Velferðarráð - 1373

Lögð fram til samþykktar beiðni um viðauka við fjárhagsáætlun. Lagt er til að hækka fjárhagsáætlun stuðningsþjónustu og stoðþjónustu um kr. 29.428.000 vegna ársins 2023.

Kolbeinn Aðalsteinsson forstöðumaður sat fundinn undir þessum lið.

Velferðaráð samþykkir fyrir sitt leyti beiðni um viðauka við fjárhagsáætlun og vísar málinu áfram til bæjarráðs.

Lögð fram tillaga að breytingu á gjaldskrá velferðarsviðs fyrir 2024. Lagt er til að almennt hækki gjaldskráin um 8%. Um er að ræða hækkun í félagslegri heimaþjónustu, heimsendum mat og matarkostnaði í skammtímaþjónustu og Lautinni.

Kolbeinn Aðalsteinsson forstöðumaður sat fundinn undir þessum lið.

Elsa María Guðmundsdóttir S-lista, Snæbjörn Ómar Guðjónsson V-Lista og Guðbjörg Anna Björnsdóttir B-lista leggja fram eftirfarandi tillögu:

Við leggjum til varðandi gjaldskrárhækkun Lautarinnar, innheimtu á kaffi/te og fæðiskostnaði, að hún sé í samræmi við aðrar tillögur um gjaldskrárhækkun, þ.e. almennt 8% hækkun. Að kaffi/te verði hækkað í 110 kr. og fæðisgjald í 650 kr.



Meirihluti fellir tillögu minnihlutans þar sem gjaldskrá Lautarinnar hefur ekki hækkað síðast liðin fjögur ár.



Velferðarráð samþykktir fyrir sitt leyti framlagða tillögu á gjaldskrá velferðarsviðs fyrir 2024 og vísar málinu áfram til bæjarráðs.

Lára Halldóra Eiríksdóttir D-lista mætti á fund kl. 13:45.

Lögð fram til samþykktar drög að fjárhagsáætlun velferðarsviðs fyrir árið 2024.

Kolbeinn Aðalsteinsson forstöðumaður sat fundinn undir þessum lið.

Velferðarráð samþykktir fjárhagsáætlun velferðarsviðs fyrir sitt leyti og vísar málinu áfram til bæjarráðs.



Elsa María Guðmundsdóttir S-lista, Guðbjörg Anna Björnsdóttir B-lista og Snæbjörn Ómar Guðjónsson V- lista óska bókað:

Grófin geðrækt hefur verið starfandi á Akureyri undanfarin 10 ár og öll hljótum við að gera okkur grein fyrir þeirri mikilvægu félagsþjónustu sem veitt er í Grófinni. Bæjarstjórn tók til umfjöllunar á fundi þann 2. maí sl. tillögu um að gerður yrði þjónustusamningur við Grófina. Tillagan var felld og vísaði meirihlutinn erindinu áfram til velferðarráðs þar sem ráðinu var falið að ljúka vinnu sem lýtur að því að skoða með hvaða hætti sveitarfélagið geti stutt við starfsemi Grófarinnar.



Elsa María Guðmundsdóttir S-lista, Guðbjörg Anna Björnsdóttir B-lista og Snæbjörn Ómar Guðjónsson V-lista leggja fram þá tillögu að Akureyrarbær geri þjónustusamning við Grófina geðrækt og styrki starfsemina fjárhagslega.



Meirihluti velferðarráðs tekur undir tillögu minnihlutans, vinna er nú þegar farin af stað við undirbúning á þjónustusamningi við Grófina.

Lögð fram til samþykktar starfsáætlun velferðarsviðs 2023-2024.

Velferðarráðs samþykktir fyrir sitt leyti starfsáætlun velferðarsviðs 2023-2024 og vísar málinu áfram til bæjarráðs.

Lagt fram yfirlit yfir fjárhagsstöðu styrkja velferðarráðs.