Velferðarráð - 1388

Halla Björk Reynisdóttir forseti bæjarstjórnar og Hulda Sif Hermannsdóttir aðstoðarmaður bæjarstjóra mættu á fundinn í forföllum bæjarstjóra og fóru yfir ráðningarferlið. Kynnt var niðurstaða bæjarstjóra um tillögu að ráðningu í starf sviðsstjóra velferðarsviðs.

Karólína Gunnarsdóttir vék af fundi við afgreiðslu málsins.

Velferðarráð samþykkir að bæjarstjóri gangi til samninga við Karólínu Gunnardóttur sem sviðsstjóra velferðarsviðs.

SSNE óskar eftir heimild frá sveitarfélögum til að hefja vinnu við að gera drög að samningi við ríkið um svæðisbundið farsældaráð fyrir Norðurland eystra.

Velferðarráð felur SSNE að vinna málið áfram.

Lögð fram til samþykktar hækkun á tímagjaldi í NPA þjónustu.

Kolbeinn Aðalsteinsson forstöðumaður sat fundinn undir þessum lið.

Velferðaráð samþykkir framlag að tillögu að breytingu á tímagjaldi NPA.

Lagt fram minnisblað dagsett 12. júní 2024 um þörf á auknu fjármagni vegna NPA samninga og notendasamninga.

Kolbeinn Aðalsteinsson forstöðumaður sat fundinn undir þessum lið.

Lögð fram beiðni um viðauka vegna þjónustu við börn.

Kolbeinn Aðalsteinsson forstöðumaður og Vilborg Þórarinsdóttir forstöðumaður sátu fundinn undir þessum lið.

Lögð fram til kynningar drög að framkvæmda- og viðhaldsáætlun velferðarsviðs.

Lagt fram minnisblað dagsett 12. júní 2024 um framtíðar uppbyggingu á húsnæðinu í þjónustukjarnanum í Þrastarlundi.

Kristinn Már Torfason forstöðumaður sat fundinn undir þessum lið.

Velferðarráð óskar eftir að umhverfis- og mannvirkjasvið fari í hugmyndavinnu um framtíð húsnæðis Þrastalundar í samvinnu við starfsfólk velferðasviðs.

Ársskýrsla velferðarsviðs fyrir árið 2023 lögð fram til kynningar.

Í dag sat Guðrún Sigurðardóttir sviðsstjóri sinn síðasta velferðarráðsfund en hún lætur af störfum 15. júní eftir 40 ár í starfi hjá Akureyrarbæ. Velferðarráð þakkar Guðrúnu fyrir samstarfið og gott starf í þágu bæjarins ásamt því sem það óskar henni velfarnaðar.