Velferðarráð - 1328

Lögð fram greinargerð um stjórnkerfisbreytingar í velferðarþjónustu dagsett 19. október 2020.

Hulda Sif Hermannsdóttir aðstoðarmaður bæjarstjóra sat fundinn undir þessum lið.

Kynntur samstarfssamningur Akureyrarbæjar og Memaxi.

Arnþrúður Eik Helgadóttir iðjuþjálfi í heimaþjónustu á búsetusviði sat fundinn undir þessum lið.

Búsetusvið gerði samstarfssamning við Heilbrigðisstofnun Norðurlands í tengslum við innleiðingu á Memaxi í þjónustu sviðsins. Samningurinn styður búsetusvið í nauðsynlegum tæknilausnum s.s. uppsetningu á búnaði í spjaldtölvur.

Arnþrúður Eik Helgadóttir iðjuþjálfi í heimaþjónustu á búsetusviði sat fundinn undir þessum lið.



Myndbandið Skjáheimsóknir velferðartæknismiðju Velferðarsviðs Reykjavíkurborgar var sýnt á fundinum, sjá má myndbandið undir slóðinni: https://youtu.be/Ji2-ozUCQwY

Lagt fram til kynningar rekstraryfirlit búsetusviðs, fjölskyldusviðs og Öldrunarheimila Akureyrar janúar - september 2020.

Kolbeinn Aðalsteinsson skrifstofustjóri búsetusviðs og Lúðvík Freyr Sæmundsson rekstrarstjóri ÖA sátu fundinn undir þessum lið.

Lúðvík Freyr Sæmundsson rekstrarstjóri ÖA lagði fram samantekt um rekstur ÖA fyrir allt árið 2019. Um er að ræða yfirlitsmyndir og skýringar um þróun nokkurra þátta í rekstri ÖA, líkt og hefur verið gefið út á síðustu árum. Að því loknu var nauðsyn á endurnýjun símkerfis ÖA kynnt.

Fylgiskjöl

• Rekstur OA 2019.pdf

Hjúkrunarforstjóri ÖA, Helga Guðrún Erlingsdóttir, lagði fram yfirlit um fjölda einstaklinga sem metnir eru af færni- og heilsumatsnefnd í þörf fyrir dvalar- og hjúkrunarrými 1. nóvember ásamt upplýsingum um fjölda umsækjenda á biðlista eftir dagþjálfun.

Lagður fram tölvupóstur dagsettur 20. október 2020 ásamt viðhengjum frá SFV (Samtökum fyrirtækja í velferðarþjónustu) sem varðar umsagnir um frumvarp til fjárlaga og fjármálaáætlun.

Umsókn frá Krabbameinsfélagi Akureyrar og nágrennis um styrk að upphæð kr. 7.200.000 til þess að tryggja áframhaldandi rekstur þjónustumiðstöðvar félagsins.

Velferðarráð getur ekki orðið við erindinu.

Lagt fram erindi frá Skógarlundi um styrk að upphæð kr. 400.000 til kaupa á búnaði varðandi sýndarveruleika.

Velferðarráð getur ekki orðið við erindinu.

Lagt fram erindi frá Stígamótum þar sem óskað er eftir styrk til rekstrarins fyrir árið 2020.

Velferðarráð getur ekki orðið við erindinu.

Lögð fram umsókn frá skóla- og skammtímavistun Akureyrarbæjar að upphæð kr. 1.000.000 til þess að útbúa skynörvunarherbergi.

Velferðarráð getur ekki orðið við erindinu.

Lagt fram erindi FF Múrbrjóta um styrk vegna fótboltaæfinga að upphæð kr. 121.500 sem yrði ráðstafað til þess að greiða niður leigu á tímum í íþróttaaðstöðu Akureyrarbæjar.

Velferðarráð samþykkir styrk til FF Múrbrjóta að upphæð kr. 121.500.

Lagt fram erindi frá Rauða krossinum við Eyjafjörð dagsett 3. september 2020 þar sem óskað er eftir stuðningi við starfsemi deildarinnar að upphæð kr. 600.000 til þess að geta sinnt laugardagsopnun í Lautinni.

Velferðarráð getur ekki orðið við erindinu.

Lögð fram umsókn um styrk frá Rauða krossinum við Eyjafjörð að upphæð kr. 500.000 til þess að styrkja starf heimsóknarvina og símavina.

Velferðarráð getur ekki orðið við erindinu.

Umsókn um styrk frá Þroskahjálp á Norðurlandi eystra að upphæð kr. 250.000 til þess að starfrækja systkinasmiðju vorið 2021.

Velferðarráð samþykkir styrk til Þroskahjálpar á Norðurlandi eystra að upphæð kr. 250.000.