Velferðarráð - 1375

Lagt fram til kynningar rekstraryfirlit velferðarsviðs eftir níu mánuði ársins 2023.

Kolbeinn Aðalsteinsson forstöðumaður sat fundinn undir þessum lið.

Lagt fram til kynnngar yfirlit yfir veitta fjárhagsaðstoð fyrstu níu mánuði árins 2023.

Kolbeinn Aðalsteinsson forstöðumaður sat fundinn undir þessum lið.

Lagt fram til kynningar yfirlit yfir kostnað á liðnum Vistun á stofnunum og heimilum.

Vilborg Þórarinsdóttir forstöðumaður og Kolbeinn Aðalsteinsson forstöðumaður sátu fundinn undir þessum lið.

Elsa María Guðmundsdóttir S-lista lagði fram eftirfarandi bókun:

Í ljósi þeirrar stöðu sem er uppi varðandi lausnir fyrir börn og fjölskyldur í bráðum vanda, er afar mikilvægt að efla starfsemi, hlutverk og forvarnagildi Miðholts, greiningar og þjálfunarmiðstöðvar. Augljóst er að þörfin fyrir slíkan stað er brýn og um 60 börn hafa þurft á vistun utan heimilis að halda það sem af er ári 2023.

Lagt fram minnisblað dagsett 23. október 2023 frá Kristínu Baldvinsdóttur forstöðumanni hagþjónustu og áætlanagerðar um stöðu félagslegra íbúða.

Anna Marit Níelsdóttir forstöðumaður og Guðni Örn Hauksson húsnæðisfulltrúi sátu fundinn undir þessum lið.

Tinna Guðmundsdóttir F-lista vék af fundi kl.15:27.

Lagðar fram að nýju reglur um félagslegt leiguhúsnæði Akureyrarbæjar. Reglunum var vísað til umsagnar samráðshóps um málefni fatlaðs fólks og hann lýsir yfir ánægju sinni með reglurnar. Öldungaráð fékk reglurnar til umsagnar og gerir ekki athugasemdir við þær.

Anna Marit Níelsdóttir forstöðumaður sat fundinn undir þessum lið.

Velferðarráð samþykkir reglurnar fyrir sitt leyti og vísar þeim til bæjarstjórnar.

Lögð fram drög að samstarfssamningi um þjónustu Grófarinnar á Akureyri.

Lögð fram umsókn um styrk frá Erlingi Kristjánssyni f.h. Fjölsmiðjunnar á Akureyri kr. 2.000.000.

Velferðarráð samþykkir styrkbeiðni Fjölsmiðjunnar að upphæð kr. 2.000.000.

Lögð fram beiðni um styrk frá Herdísi Helgadóttur f.h. Velferðarsjóðs Eyjafjarðarsvæðis kr.1.500.000.

Beiðni frá Herdísi Helgadóttur fyrir hönd Velferðarsjóð Eyjarfjarðarsvæðisins frestað þar sem velferðarráð óskar eftir frekari upplýsingum.

Lögð fram beiðni um styrk frá Birgit Schov f.h. Mæðrastyrksnefndar kr. 200.000.

Velferðarráð samþykkir styrkbeiðni Mæðrastyrksnefndar að upphæð kr. 200.000.

Lögð fram styrkbeiðni frá Pálínu Sigrúnu Halldórsdóttur f.h. Grófarinnar kr. 2.000.000.

Velferðarráð samþykkir styrkbeiðni Grófarinnar að upphæð kr. 2.000.000.

Erindi dagsett 30. ágúst 2023 frá Drífu Snædal f.h. Stígamóta þar sem óskað er eftir fjárstuðningi og samstarfi um rekstur þjónustu við þolendur kynferðisofbeldis.

Velferðarráð getur því miður ekki orðið við beiðni Stígamóta.

Lögð fram til kynningar skýrsla stýrihóps um fyrirkomulag þjónustu við börn með fjölþættan vanda.