Velferðarráð - 1308

Fulltrúar öldungaráðs kynntu fyrir velferðarráði hlutverk og helstu verkefni öldungaráðs.

Helgi Snæbjarnarson formaður, Elías Gunnar Þorbjörnsson og Valgerður Jónsdóttir fulltrúar öldungaráðs og Kristinn Jakob Reimarsson sviðsstjóri samfélagssviðs sátu fundinn undir þessum lið.

Velferðarráð þakkar fyrir kynningu á hlutverki og verkefnum öldungaráðs.

Gyða Björk Ólafsdóttir félagsráðgjafi á fjölskyldusviði kynnti áfrýjun í fjárhagsaðstoð.

Fjárhagserindi og afgreiðsla þeirra eru færð í trúnaðarbók velferðarráðs.

Selma Heimisdóttir félagsráðgjafi á fjölskyldusviði kynnti áfrýjun í fjárhagsaðstoð.

Fjárhagserindi og afgreiðsla þeirra eru færð í trúnaðarbók velferðarráðs.

Lagt fram til kynningar rekstraryfirlit fyrstu 8 mánuði ársins frá búsetusviði, fjölskyldusviði og Öldrunarheimilum Akureyrar.

Lögð fram aðgerðaáætlun sviða velferðarráðs en uppsetning var unnin af Fremri almannatengslum. Áætlunin er unnin og uppsett miðað við að skjalið sé aðgengilegt á vef bæjarins.

Næsti áfangi er að setja aðgerðir annarra sviða inn í þetta samræmda format.

Velferðarráð samþykkir framsetningu aðgerðaáætlunar sem nú fer til birtingar á heimasíðu Akureyrarbæjar. Jafnframt felur velferðarráð sviðsstjórum að setja af stað vinnu við að bæta aðgerðum annarra sviða inn í heildarskjalið.

Laufey Þórðardóttir sviðsstjóri búsetusviðs lagði fram til kynningar nýjar reglur skammtímavistunar Akureyrarbæjar.

Lagt fram til kynningar minnisblað dagsett 23. september 2019 frá Samtökum fyrirtækja í velferðarþjónustu varðandi frumvarp til fjárlaga og helstu þætti þess er varða rekstur hjúkrunarheimila.

Framkvæmdastjóri ÖA, Halldór S. Guðmundsson, greindi frá framvindu við hagkvæmnisathugun samanber fund velferðarráðs nr. 1304.

Áætluð verklok og skil á skýrslu um athugunina ásamt kynningu verður mánudaginn 14. október 2019 fyrir hádegi og er gert ráð fyrir að kynninguna sitji fulltrúar úr velferðarráði og fleiri aðilar.

Málinu frestað til næsta fundar.

Lagt fram til kynningar yfirlit yfir stöðu biðlista eftir félagslegu leiguhúsnæði í lok september 2019.

Magnús Valur Axelsson húsnæðisfulltrúi fjölskyldusviðs sat fundinn undir þessum lið.

Lagt fram yfirlit yfir stöðu og útgjöld sérstaks húsnæðisstuðnings á árinu 2019.

Magnús Valur Axelsson húsnæðisfulltrúi sat fundinn undir þessum lið.