Velferðarráð - 1242

Lögð fram að nýju drög að nýjum reglum um sérstakan húsnæðisstuðning samkvæmt fyrirmælum velferðarráðs þann 7. desember sl.

Anna Marit Níelsdóttir forstöðumaður félagsþjónustu hjá fjölskyldudeild, Karólína Gunnarsdóttir þjónustustjóri á fjölskyldudeild og Laufey Þórðardóttir verkefnastjóri þjónustu búsetudeildar sátu fundinn undir þessum lið.

Umfjöllun um málið er frestað til aukafundar þann 28. desember nk.

Teknar til afgreiðslu styrkbeiðnir til velferðarráðs fyrir árið 2016.

Anna Marit Níelsdóttir forstöðumaður félagsþjónustu hjá fjölskyldudeild sat fundinn undir þessum lið.

Velferðarráð samþykkir eftirfarandi afgreiðslur:



Heilbrigðisvísindasvið Háskólans á Akureyri. Velferðarráð getur ekki orðið við erindinu.



Ingunn Högnadóttir. Velferðarráð getur ekki orðið við erindinu.



Mæðrastyrksnefnd. Velferðarráð samþykkir rekstrarstyrk vegna ársins 2016 að upphæð kr. 250.000 og styrk til Jólaaðstoðar - samstarf með Hjálparstarfi kirkjunnar, Hjálpræðishernum á Akureyri og Rauða krossinum við Eyjafjörð að upphæð kr. 250.000.



Kvennaathvarfið. Velferðarráð samþykkir rekstrarstyrk vegna ársins 2016 að upphæð kr. 100.000.



Kvennaráðgjöfin. Velferðarráð getur ekki orðið við erindinu.



Samhyggð, samtök um sorg og sorgarviðbrögð. Velferðarráð samþykkir styrk að upphæð kr. 200.000.



Umhuga - heimaþjónusta ehf. Velferðarráð getur ekki orðið við erindinu.



Wilson félagið. Velferðarráð getur ekki orðið við erindinu.

Guðrún Sigurðardóttir framkvæmdastjóri fjölskyldudeildar lagði fram tillögu um afskriftir lána 2016.

Anna Marit Níelsdóttir forstöðumaður félagsþjónustu hjá fjölskyldudeild sat fundinn undir þessum lið.

Velferðarráð samþykkir tillöguna og vísar málinu til bæjarráðs.

Anna Marit Níelsdóttir forstöðumaður félagsþjónustu hjá fjölskyldudeild gerði grein fyrir stöðu í einstaklingsmáli.

Afgreiðsla einstaklingsmála er færð í trúnaðarbók velferðarráðs.

Lagt fram erindi samtakanna Þroskahjálpar frá 7. desember þar sem formaður og framkvæmdastjóri hvetja til þess að sérstaklega sé hugað að þörfum fólks með þroskahömlun og fatlaðs fólks almennt þegar gerðar eru húsnæðisáætlanir eða ákvarðanir teknar um veitingu stofnframlaga.

Velferðarráð þakkar ábendingarnar.

Áður á dagskrá á fundi velferðarráðs þann 14. nóvember sl.

Við afgreiðslu breytinga á gjaldskrá í bæjarstjórn þann 13. desember sl. var eftirfarandi bókun samþykkt: "Meirihluti bæjarstjórnar samþykkir framlagða gjaldskrá en vísar gjaldi á aðstoð við almenn heimilisstörf og heimsendingu matar aldraðra til endurskoðunar í velferðarráði með það að markmiði að draga úr hækkun ásamt því að leggja fram tillögur um hvernig lækkun tekna verði mætt innan málaflokksins".

Velferðarráð leggur til að hækkun gjalds fyrir heimsendan mat miðist við hækkun innkaupsverðs og verði kr. 1.205 (4,8%) og að hækkun gjalds fyrir heimaþjónustu miðist við áætlaða hækkun launakostnaðar og verði kr. 1.256 (4,7%).

Jóni Hróa Finnssyni framkvæmdastjóra búsetudeilar er falið að vinna tillögu að leiðum til að mæta lækkun tekna.

Velferðarráð vísar tillögunni áfram til bæjarráðs.

Lögð fram drög að samningi við velferðarráðuneyti um öryggisvistunarúrræði sem gildir fyrir árið 2016.

Anna Marit Níelsdóttir forstöðumaður félagsþjónustu hjá fjölskyldudeild og Laufey Þórðardóttir verkefnastjóri þjónustu búsetudeildar sátu fundinn undir þessum lið.

Velferðarráð samþykkir fyrir sitt leyti framlögð drög og vísar þeim til umfjöllunar í bæjarráði.

Lagt fram minnisblað um mögulega staðsetningu smáhýsa fyrir einstaklinga með fjölþættan vanda.

Anna Marit Níelsdóttir forstöðumaður félagsþjónustu hjá fjölskyldudeild og Laufey Þórðardóttir verkefnastjóri þjónustu búsetudeildar sátu fundinn undir þessum lið.

Meirihluti velferðarráðs samþykkir tillögu að tímabundinni staðsetningu smáhýsa með því skilyrði að svæðið verði fegrað og aðgengi bætt.

Jóni Hróa Finnssyni framkvæmdastjóra búsetudeildar er falið að sækja um lóðina til skipulagsnefndar.



Valur Sæmundsson V-lista greiddi atkvæði á móti tillögunni.

Erindi vegna undanþágu frá reglum um leiguhúsnæði Akureyrarbæjar tekið fyrir að nýju. Málið var áður á dagskrá velferðarráðs þann 5. október og 16. nóvember sl.

Anna Marit Níelsdóttir forstöðumaður félagsþjónustu hjá fjölskyldudeild og Laufey Þórðardóttir verkefnastjóri þjónustu búsetudeildar sátu fundinn undir þessum lið.

Afgreiðsla einstaklingsmála er færð í trúnaðarbók velferðarráðs.