Beint í efni

Vefur í vinnslu

Nýr vefur Akureyrarbæjar er í vinnslu. Vinsamlegast beinið öllum athugasemdum til vefstjórnar, vefstjorn@akureyri.is

  • Kl. 14:00 - 17:00
  • Fundarsalur á 2. hæð í Glerárgötu 26
  • Fundur nr. 1236

Nefndarmenn

    • Róbert Freyr Jónssonvaraformaður
    • Guðlaug Kristinsdóttir
    • Valdís Anna Jónsdóttir
    • Svava Þórhildur Hjaltalín
    • Valur Sæmundsson
    • Guðrún Karitas Garðarsdóttiráheyrnarfulltrúi

Starfsmenn

    • Guðrún Ólafía Sigurðardóttirframkvæmdastjóri
    • Helga Guðrún Erlingsdóttirhjúkrunarforstjóri
    • Jón Hrói Finnssonframkvæmdastjóri búsetudeildar
    • Kristbjörg Björnsdóttirfundarritari
Valdís Anna Jónsdóttir S-lista mætti í forföllum Sigríðar Huldar Jónsdóttur.[line]Guðlaug Kristinsdóttir B-lista mætti í forföllum Halldóru K. Hauksdóttur.[line][line]Velferðarráð býður Jón Hróa Finnsson framkvæmdastjóra búsetudeildar velkominn til starfa.[line]
  • ÖA - samfélagslegt þróunarverkefni, úthlutun úr Framkvæmdasjóði aldraðra 2016

    Málsnúmer 2016060153

    Umræðu um málið var frestað á síðasta fundi.

    Helga Erlingsdóttir hjúkrunarforstjóri ÖA kynnti verkefnahugmyndina að baki styrks Framkvæmdasjóðs aldraðra.

    Velferðarráð þakkar kynninguna.

  • ÖA - samkomulag SFV og Sambands íslenskra sveitarfélaga við SÍ

    Málsnúmer 2015040217

    Helga Erlingsdóttir hjúkrunarforstjóri ÖA og Lúðvík Freyr Sæmundsson rekstrarstjóri ÖA lögðu fram og svöruðu spurningum varðandi samkomulag sem samninganefnd Samtaka fyrirtækja í velferðarþjónustu og Samband íslenskra sveitarfélaga hafa gert við Sjúkratryggingar Íslands um meginatriði rammasamnings vegna þjónustu í hjúkrunar- og dvalarrýmum hjúkrunarheimila á landinu.

    Að mati velferðarráðs er samkomulagið, sem felur í sér hækkun tekna (daggjalda, húsnæðisgjalda) og yfirtöku lífeyrisskuldbindinga, mikilvægur áfangi í samskiptum ríkis og sveitarfélaga varðandi leiðréttingu á rekstrarumhverfi ÖA og hjúkrunarheimila almennt.

    Velferðarráð vísar málinu til bæjarráðs og leggur til að Akureyrarbær sæki um aðild samkvæmt samkomulaginu og gerður verði þjónustusamningur við Sjúkratryggingar Íslands.

  • Félagsþjónusta - stuðningsfjölskyldur

    Málsnúmer 2015110067

    Anna Marit Níelsdóttir forstöðumaður félagsþjónustu fór yfir reynslu af verkefninu stuðningsfjölskyldur í félagsþjónustu sem samþykkt var þann 18. nóvember 2015. Lagt fram minnisblað Önnu Maritar dagsett 19. september 2016.

    Velferðarráð þakkar kynninguna og samþykkir að áfram verði möguleiki á stuðningsfjölskyldum í félagsþjónustu.

  • Fjárhagsáætlun 2017- velferðarráð

    Málsnúmer 2016080074

    Lagðar fram tillögur að fjárhagsáætlun ársins 2017 fyrir búsetudeild, fjölskyldudeild og Öldrunarheimili Akureyrarbæjar.

    Laufey Þórðardóttir verkefnastjóri þjónustu búsetudeildar, Kolbeinn Aðalsteinsson skrifstofustjóri búsetudeildar, Karólína Gunnarsdóttir þjónustustjóri á fjölskyldudeild, Bryndís Dagbjartsdóttir skrifstofustjóri fjölskyldudeildar og Lúðvík Freyr Sæmundsson rekstrarstjóri ÖA sátu fundinn undir þessum lið.

    Velferðarráð samþykkir framlagðar tillögur að fjárhagsáætlun og vísar þeim til bæjarráðs.

  • Velferðarráð - rekstraryfirlit 2016

    Málsnúmer 2016020160

    Lögð fram til kynningar rekstraryfirlit búsetudeildar, fjölskyldudeildar og ÖA fyrir 8 mánuði 2016.

    Laufey Þórðardóttir verkefnastjóri þjónustu búsetudeildar, Kolbeinn Aðalsteinsson skrifstofustjóri búsetudeildar, Karólína Gunnarsdóttir þjónustustjóri á fjölskyldudeild, Bryndís Dagbjartsdóttir skrifstofustjóri fjölskyldudeildar og Lúðvík Freyr Sæmundsson rekstrarstjóri ÖA sátu fundinn undir þessum lið.

  • Starfsáætlanir með fjárhagsáætlun 2017

    Málsnúmer 2016090099

    Lögð fram til kynningar drög að starfsáætlunum deilda fyrir árið 2017, sem unnið er að samhliða gerð tillagna að fjárhagsáætlun sama árs.

    Lúðvík Freyr Sæmundsson rekstrarstjóri ÖA sat fundinn undir þessum lið.

    Framkvæmdastjórar búsetudeildar, fjölskyldudeildar og ÖA munu vinna að gerð starfsáætlana og verða þær lagðar fram á næsta fundi velferðarráðs þann 5 október nk.

  • Þórunnarstræti 99 - heitur pottur

    Málsnúmer 2015050177

    Laufey Þórðardóttir verkefnastjóri þjónustu búsetudeildar kynnti áætlanir um uppsetningu á heitum potti við Þórunnarstræti 99.

    Velferðarráð samþykkir fyrir sitt leyti uppsetningu á potti fáist til þess fjárveiting og vísar málinu áfram til bæjarráðs.