Velferðarráð - 1217

Á fundinn mættu Helga Guðrún Erlingsdóttir hjúkrunarforstjóri ÖA og staðgengill framkvæmdastjóra, Jón Björnsson sálfræðingur og Brynja Vignisdóttir forstöðumaður Aspar- og Beykihlíðar. Kynntu þau lok vinnu við úrbætur á starfsanda og stjórnun sbr. tillögur sem unnar voru af ráðgjafafyrirtækinu Líf og sál.

Velferðarráð þakkar fyrir kynninguna.

Lagt fram minnisblað dagsett 13. október 2015 frá Þóru Sif Sigurðardóttur forstöðumanni Lögmannshlíðar á ÖA þar sem hún greinir frá veglegri gjöf frá Guðrúnu Kristinsdóttur íbúa í Lögmannshlíð. Gjöfin er göngubretti með loftlyftibúnaði sem staðsett er í þjálfunarherbergi Lögmannshlíðar.

Forstöðumaður hefur fært gefanda sérstakar þakkir f.h. íbúa og heimilisins.

Velferðarráð þakkar þessa höfðinglegu gjöf og felur framkvæmdastjóra að koma sérstökum þökkum til gefanda.

Soffía Lárusdóttir framkvæmdastjóri búsetudeildar kynnti stöðu á biðlista eftir hjúkrunar- og dvalarrýmum á Öldrunarheimilum Akureyrar.

Fram kom að 32 einstaklingar eru á biðlista eftir hjúkrunarrými og 11 einstaklingar eftir dvalarrými. Enginn er á biðlista eftir dagþjálfun.

Sigríður Huld Jónsdóttir formaður velferðarráðs kynnti drög að eyðublaði fjárhagsáætlun, jafréttismat á hagræðingartillögum dagsett 13. október 2015.

Soffía Lárusdóttir framkvæmdastjóri búsetudeildar og Karólína Gunnarsdóttir þjónustustjóri á fjölskyldudeild kynntu eitt verkefni sem dæmi um hagræðingarverkefni.

Lagt fram til umræðu og kynningar.

Soffía Lárusdóttir framkvæmdastjóri búsetudeildar og Karólína Gunnarsdóttir þjónustustjóri á fjölskyldudeild kynntu drög að skilgreiningum á sértæku félagslegu leiguhúsnæði fyrir fatlað fólk og hugmyndir að leiguverði dagsett 21. október 2015.

Jón Heiðar Daðason húsnæðisfulltrúi húsnæðisdeildar kynnti stöðuna á biðlista eftir leiguhúsnæði Akureyrarbæjar 30. september 2015.

Áframhaldandi umræða frá síðasta fundi um málefni einstaklings.

Málefni einstaklinga eru vistuð í trúnaðarbók velferðarráðs.

Lögð fram úttekt á fyrirkomulagi og framkvæmd sérfræðiþjónustu í sex sveitarfélögum dagsett 23. september 2015. Unnið fyrir mennta- og menningarmálaráðuneytið í desember 2013. Áætlun frá Akureyrarbæ vegna tillagna um aðgerðir til úrbóta.

Sigríður Huld Jónsdóttir formaður velferðarráðs fór yfir stöðu ráðningar verkefnastjóra velferðarstefnu.

Formaður greindi frá ráðningu verkefnastjóra við gerð velferðarstefnu Akureyrarbæjar Önnu Lilju Björnsdóttur sem mun hefja störf um mánaðarmót.