Velferðarráð - 1260

Guðrún Sigurðardóttir sviðsstjóri fjölskyldusviðs, Jón Hrói Finnsson sviðsstjóri búsetusviðs og Halldór S. Guðmundsson framkvæmdastjóri Öldrunarheimila Akureyrar lögðu fram fjárhagsáætlanir sinna sviða fyrir árið 2018.

Bryndís Dagbjartsdóttir skrifstofustjóri fjölskyldusviðs, Kolbeinn Aðalsteinsson skrifstofustjóri búsetusviðs, Laufey Þórðardóttir forstöðumaður stoðþjónustu á búsetusviði og Lúðvík Freyr Sæmundsson rekstrarstjóri Öldrunarheimila Akureyrar sátu fundinn undir þessum lið.

Velferðarráð frestar afgreiðslu.

Lagðar voru fram starfsáætlanir búsetusviðs, fjölskyldusviðs og Öldrunarheimila Akureyrar.

Guðrún Sigurðardóttir sviðsstjóri fjölskyldusviðs, Jón Hrói Finnsson sviðsstjóri búsetusviðs og Halldór S. Guðmundsson framkvæmdastjóri Öldrunarheimila Akureyrar sátu fundinn undir þessum lið. Einnig Kolbeinn Aðalsteinsson skrifstofustjóri búsetusviðs og Lúðvík Freyr Sæmundsson rekstrarstjóri Öldrunarheimila Akureyrar.

Velferðarráð frestar afgreiðslu.

Lagt fram minnisblað Guðrúnar Sigurðardóttur sviðsstjóra fjölskyldusviðs dagsett 19. september 2017 þar sem lagt er til að heimilað verði að ráða í nýja stöðu í málaflokki fatlaðra sem sinni ráðgjöf við fötluð börn og fjölskyldur þeirra.

Velferðarráð samþykkir tillöguna.

Tekið fyrir erindi Rauða krossins í Eyjafirði sem óskar eftir að rekstrarfyrirkomulagi Lautarinnar verði breytt þannig að Akreyrarkaupstaður taki að sér greiðslu launa til starfsmanna. Útreikningur og greiðsla launa hefur verið á hendi Rauða krossins.

Lagt fram rekstraryfirlit Lautarinnar og spá um rekstrarniðurstöðu fyrir árið 2017.

Erindi kynnt. Jóni Hróa Finnssyni sviðsstjóra búsetusviðs var falið að vinna tillögu að lausn.

Unnið áfram að velferðarstefnu.