Velferðarráð - 1282

Sif Sigurðardóttir S-lista mætti í forföllum Dagbjartar Elínar Pálsdóttur. <br /> <br />Í upphafi fundar lagði Guðrún Sigurðardóttir sviðsstjóri fjölskyldusviðs til að liður 7 í fundarboði, mál nr. 2018040009 Fjölskylduheimili, yrði tekinn fram fyrir aðra liði í dagskránni. <br />Tillagan var samþykkt. <br />

Lögð fram minnisblöð Vilborgar Þórarinsdóttur forstöðumanns barnaverndar dagsett 30. mars 2018 og minnisblað Vilborgar og Guðrúnar Siguðardóttur sviðsstjóra fjölskyldusviðs dagsett 21. ágúst 2018 um fjölskylduheimili ásamt drögum að fjárhagsáætlun. Ennfremur skýrsla Reykjavíkurborgar um vistheimili borgarinnar og upplýsingar um kostnað.

Málið var áður á dagskrá velferðarráðs 4. apríl og bæjarráðs 26. apríl 2018.

Vilborg Þórarinsdóttir forstöðumaður barnaverndar, Anna Marit Níelsdóttir forstöðumaður félagsþjónustu og Guðrún Sigurðardóttir sviðsstjóri fjölskyldusviðs sátu fundinn undir þessum lið.

Vilborg, Anna Marit og Guðrún kynntu tillögur um fjölskylduheimili. Fram kom að fjölskylduheimili myndi minnka þörf fyrir vistun barna utan heimilis. Í fjölskylduheimili yrði unnið með viðkvæmar fjölskyldur þar sem foreldrar þurfa verulegan stuðning í foreldrahlutverkinu. Fram kom að um lögbundið úrræði er að ræða, þörfin mikil og forvarnargildið ótvírætt.

Velferðarráð þakkar kynninguna og vísar málinu til bæjarráðs. Velferðarráð leggur til að málið fái framgang í fjárhagsáætlun næsta árs.

Málefni notendaráðs í málaflokki fatlaðra tekin til umræðu.

Guðrún Sigurðardóttir sviðsstjóri fjölskyldusviðs sat fundinn undir þessum lið.

Ráðið lítur svo á að skipunartími notandaráðs sé til nóvember 2018 sbr. "Samþykkt fyrir notendaráð fatlaðs fólks Þjónustusvæðið í Eyjafirði" frá 15. júní 2016. Rætt um að endurskoða þurfi samþykkt um notendaráðið og taka málið upp að nýju þegar skipunartíma núverandi ráðs lýkur.

Fylgiskjöl

• Samþykkt um Notendaráð fatlaðs fólks í Eyjafirði.pdf
• Meðlimir Notendaráðs fatlaðs fólks í Eyjafirði 2016.docx

Drög að velferðarstefnu Akureyrarbæjar sem unnin voru á nýliðnu kjörtímabili lögð fram til kynningar og umræðu. Velferðarráð 2014-2018 samþykkti drögin fyrir sitt leyti á fundi sínum 6. júní 2018 og vísaði þeim til bæjarstjórnar.

Guðrún Sigurðardóttir sviðsstjóri fjölskyldusviðs sat fundinn undir þessum lið.

Velferðarráð samþykkir framlögð drög fyrir sitt leyti og vísar þeim til bæjarstjórnar.

Lögð fram til kynningar rekstraryfirlit fyrstu 6 mánuði ársins 2018 fyrir alla málaflokka velferðarráðs.

Guðrún Sigurðardóttir sviðsstjóri fjölskyldusviðs sat fundinn undir þessum lið.

Umræða um vinnu við starfsáætlanir og vinnuferlið.

Guðrún Sigurðardóttir sviðsstjóri fjölskyldusviðs sat fundinn undir þessum lið.

Velferðarráð felur sviðsstjórum fjölskyldusviðs, búsetusviðs og framkvæmdastjóra Öldrunarheimila Akureyrar að vinna drög að starfsáætlunum fyrir fund ráðsins þann 19. september nk.

Fylgiskjöl

• Starfsáætlun ÖA 2018 eftir yfirferð 7.2.2018.pdf
• 10 ára áætlun - Öldrunarheimili Akureyrar - drög 7mars 2018.pdf
• 102_Búsetusvið_starfsáætlun 2018 21 nóv
• Búsetusvið_10 ára áætlun 2018-2028
• 102-Starfsáætlun fjölskyldusvið - 06.11.17.pdf
• Langtímaáætlun Fjölsk - 21. mars 2018

Lagt fram erindi Guðríðar Erlu Friðriksdóttur sviðsstjóra umhverfis- og mannvirkjasviðs dagsett 17. ágúst 2018 þar sem óskað er eftir upplýsingum um fyrirhugaðar framkvæmdir og viðhald mannvirkja á forræði velferðarráðs á næstu árum.

Guðrún Sigurðardóttir sviðsstjóri fjölskyldusviðs sat fundinn undir þessum lið.

Sviðsstjórum falið að vinna tillögu að framkvæmdaáætlun velferðarráðs fyrir næsta fund.

Ársskýrsla fjölskyldusviðs 2017 lögð fram til kynningar.

Guðrún Sigurðardóttir sviðsstjóri fjölskyldusviðs sat fundinn undir þessum lið.

Sif Sigurðardóttir vék af fundi kl. 16:35.

Fylgiskjöl

• Ársskýrsla 2017.pdf

Lögð fram til kynningar drög að viljayfirlýsingu um samstarf Öldrunarheimila Akureyrar og Alzheimersamtakanna, en á fundi velferðarráðs þann 21. mars 2018 var framkvæmdastjóra ÖA falið að vinna áfram að undirbúningi að gerð samstarfssamnings við Alzheimersamtökin.

Fyrirliggjandi drög eru í vinnslu og ráðgert að þeirri vinnu ljúki í byrjun september nk.

Helga Erlingsdóttir hjúkrunarforstjóri Öldrunarheimila Akureyrar kynnti drögin.

Velferðarráð fagnar fyrirhuguðu samstarfi og þakkar kynninguna.

Í vinnuhóp um endurbætur og húsnæðismál ÖA voru tilnefnd Halldór S. Guðmundsson framkvæmdastjóri og Helga Erlingsdóttir hjúkrunarforstjóri.

Af hálfu umhverfis- og mannvirkjasviðs sitja í hópnum Guðríður Erla Friðriksdóttir sviðsstjóri UMSA og Steindór Ívar Ívarsson forstöðumaður viðhaldsdeildar UMSA.

Velferðarráð samþykkir að tilnefna Dagbjörtu Elínu Pálsdóttur formann velferðarráðs sem þriðja fulltrúa velferðarráðs í vinnuhópinn.

Sif Sigurðardóttir kom aftur til fundar kl. 16:50.

Lagt fram erindi stjórnar Lautarinnar dagsett 15. ágúst 2018 um hækkun rekstrarframlags ársins 2018 um 5 m.kr. Rekstrarframlag ársins í fjárhagsáætlun eru 16.750 þ.kr. auk þess sem Akureyrarbær leggur til húsnæði undir starfsemina.

Velferðarráð beinir því til bréfritara að látið verði á það reyna að fá fjármagn frá ríkinu til rekstursins eins og gert var ráð fyrir í rekstraráætlunum. Velferðarráð bendir á að hagur heilbrigðiskerfisins af starfseminni er umtalsverður, eins og fram kemur í bréfi Árna Jóhannessonar yfirlæknis á geðdeild Sjúkrahússins á Akureyri, og því ekki úr vegi að ríkið leggi starfseminni til rekstrarfé.

Fylgiskjöl

• Bréf til velferðarráðs varðandi rekstur Lautarinnar
• Laut 2018 uppfærð fjárhagáætlun.xlsx
• Bréf frá Árna geðlækni.pdf