Velferðarráð - 1276

Heimsókn í eldhús Hlíðar.

Karl F. Jónsson yfirmatreiðslumaður og Magnús Örn Friðriksson matreiðslumaður kynntu starfsemina.

Dagþjálfun og skammtímadvöl.

Halldór S. Guðmundsson framkvæmdastjóri Öldrunarheimila Akureyrar kynnti umsóknarferli og stöðu biðlista.

Ingunn Eir Eyjólfsdóttir félagsráðgjafi sat fundinn undir þessum lið.

Lögð fram drög að 10 ára áætlun fyrir búsetusvið.

Velferðarráð samþykkir áætlunina fyrir sitt leyti og vísar málinu áfram til bæjarráðs.

Í samningi um rekstur Lautarinnar - athvarfs fyrir geðfatlaða er kveðið á um að Akureyrarbær og Geðverndarfélag Akureyrar skipi hvorn sinn fulltrúa í framkvæmdastjórn Lautarinnar og komi sér saman um óháðan oddamann.

Lagt er til að Laufey Þórðardóttir, forstöðumaður stoðþjónustu á Búsetusviði taki sæti í stjórn fyrir hönd Akureyrarbæjar.

Velferðarráð samþykkir tillöguna.

Kynning á verkefninu Fótbolti án fordóma, sem nýlega hlaut styrki úr Lýðheilsusjóði og frá UEFA. Um er að ræða fótboltafélag geðfatlaðra sem æfir einu sinni í viku undir stjórn Hauks Snæs Baldurssonar þjálfara.

Erla Björg Guðmundsdóttir formaður kynnti niðurstöður starfshóps um velferðarstefnu.

Velferðarráð samþykkir að fela Jóni Hróa Finnssyni sviðsstjóra búsetusviðs að senda stefnuskjalið til yfirlestrar og í framhaldi af því til umsagnar hjá fræðsluráði, umhverfis- og mannvirkjaráði, skipulagsráði, frístundaráði, öldungaráði, ungmennaráði og notendaráði fatlaðs fólks.