Velferðarráð - 1212

Selma Heimisdóttir félagsráðgjafi kynnti áfrýjun í fjárhagsaðstoð.

Áfrýjanir og afgreiðsla þeirra er færð í trúnaðarbók velferðarráðs.

Úrskurður úrskurðarnefndar félagsþjónustu og húsnæðismála dagsett 27. maí 2015 var lagður fram til kynningar.

Soffía Lárusdóttir framkvæmdastjóri búsetudeildar, Hlynur Már Erlingsson verkefnastjóri búsetudeildar og Guðrún Ólafía Sigurðardóttir framkvæmdastjóri fjölskyldudeildar fóru yfir málefni einstaklings. Þau kynntu bréf dag/göngudeildar geðlækninga SAk dagsett 16. júlí 2015 er varðaði viðkomandi svo og greinargerð um málefni viðkomandi dagsett 25. ágúst 2015 undirrituð af Hlyni Má Erlingssyni.

Lagt fram til kynningar.

Soffía Lárusdóttir framkvæmdastjóri búsetudeildar og Guðrún Ólafía Sigurðardóttir framkvæmdastjóri fjölskyldudeildar lögðu fram og kynntu ársskýrslu 2014 fyrir sameiginlegt þjónustusvæði í Eyjafirði um þjónustu við fatlað fólk.

Velferðarráð þakkar kynninguna.

Forsendur fjárhagsáætlunar Akureyrarbæjar 2016 voru lagðar fram til kynningar.

Velferðarráð samþykkir að boða til aukafundar mánudaginn 21. september nk. kl. 16:00 vegna fjárhagsáætlunar 2016.

Drög að nýrri þingsályktunartillögu um geðheilbrigðisstefnu og aðgerðaráætlun voru á vef velferðarráðuneytisins til umsagnar og ábendinga. Umsögn/ábendingar velferðarráðs dagsettar 17. ágúst 2015 voru lagðar fram á til kynningar fundinum.

Framkvæmdastjórar ÖA Halldór Sigurður Guðmundsson, búsetudeildar Soffía Lárusdóttir og fjölskyldudeildar Guðrún Ólafía Sigurðardóttir lögðu fram og kynntu rekstraryfirlit fyrir fyrstu sjö mánuði ársins.

Soffía Lárusdóttir framkvæmdastjóri búsetudeildar sagði stuttlega frá því sem er að gerast á búsetudeild varðandi nýtingu á velferðartækni á vettvangi.

Halldór Sigurður Guðmundsson framkvæmdastjóri ÖA greindi frá fundi þátttökulanda í Connect verkefninu sem hann mun sækja ásamt fulltrúa frá Reykjavíkurborg. Fundurinn verður haldinn 2. og 3. september nk. í Stokkhólmi.

Ársskýrsla Öldrunarráðs Íslands sem lögð var fyrir aðalfund í maí 2015 lögð fram til kynningar.

Lagt var fram bréf dagsett 2. júlí 2015 frá starfandi framkvæmdastjóra lyflækningasviðs SAk, Ingvari Þóroddssyni, til bæjarstjórans á Akureyri. Í bréfinu er lagt til að stofnaður verði samráðshópur vegna þjónustu við aldraða á starfssvæði Heilbrigðisstofnunar Norðurlands. Einnig var lagt fram minnisblað Halldórs Sigurðar Guðmundssonar framkvæmdastjóra ÖA dagsett 13. ágúst 2015 varðandi erindið og um hlutverk þjónustuhóps aldraðra skv. lögum um málefni aldraðra.

Velferðarráð leggur til að Akureyrarbær tilnefni tvo fulltrúa í samráðshópinn, þ.e. framkvæmdastjóra ÖA og framkvæmdastjóra búsetudeildar. Jafnframt verði fundargerðir samráðshópsins lagðar fyrir velferðarráð til kynningar.

Velferðarráð hvetur einnig til þess að þjónustuhópur aldraðra taki til starfa fyrir starfssvæðið, eins og áskilið er í lögum.

Halldór Sigurður Guðmundsson framkvæmdastjóri ÖA gerði grein fyrir beiðni um aukafjárveitingu dagsett 19. maí 2015 til velferðarráðuneytisins vegna sérúrræðis. Einnig var kynnt afgreiðsla ráðuneytisins á erindinu dagsett 5. ágúst 2015.

Halldór Sigurður Guðmundsson framkvæmdastjóri ÖA gerði grein fyrir vinnu við framlengingu þjónustusamnings við SAk um læknisþjónustu.

Velferðarráð þakkar kynninguna.

Halldór Sigurður Guðmundsson framkvæmdastjóri ÖA gerði grein fyrir minnisblaði sínu dagsettu 19. ágúst 2015 varðandi skipan og áherslur í dagþjónustu hjá ÖA.