Velferðarráð - 1230

Samstarfssamningur við Aflið var á dagskrá síðasta fundar og vísað til bæjarráðs. Bæjarráð vísaði samningnum aftur til nefndar.

Velferðarráð samþykkir fyrirliggjandi samstarfssamning milli Akureyrarbæjar og Aflsins, samtaka gegn kynferðis- og heimilisofbeldi, með breytingum og vísar honum áfram til bæjarráðs. Velferðarráð óskar eftir því að fjárheimild vegna Gudmands Minde Aðalstræti 14 verði flutt til þess að standa undir kostnaði við samninginn.

Lagt fram til kynningar yfirlit yfir veitta fjárhagsaðstoð fyrstu fjóra mánuði ársins.

Lögð fram drög að samþykkt fyrir notendaráð í málaflokki fatlaðra.

Karólína Gunnarsdóttir þjónustustjóri á fjölskyldudeild og Laufey Þórðardóttir staðgengill framkvæmdastjóra búsetudeildar sátu fundinn undir þessum lið.

Velferðarráð felur starfsmönnum að vinna áfram með málið.

Lagt fram til kynningar erindi frá innanríkisráðuneytinu um jafnt búsetuform barna auk þess sem óskað er eftir ábendingum frá sveitarfélögum vegna málsins fyrir 1. júní 2016.

Málinu frestað.

Laufey Þórðardóttir staðgengill framkvæmdastjóra búsetudeildar mætti á fund ráðsins undir þessum lið og kynnti þörf fyrir aukna helgarþjónustu í heimaþjónustu A.

Velferðarráð heimilar ráðningu í 20% stöðu um kvöld og helgar þar sem biðlisti er eftir þjónustu fyrir fólk með flóknar þjónustuþarfir. Aukningin er innan fjárhagsramma heimaþjónustu A.

Laufey Þórðardóttir staðgengill framkvæmdastjóra búsetudeildar kynnti breytingar á reglum skammtímaþjónustu fyrir fatlað fólk.

Velferðarráð samþykkir reglurnar fyrir sitt leyti og vísar þeim áfram til bæjarstjórnar.

Anna Lilja Björnsdóttir verkefnisstjóri mætti á fund ráðsins undir þessum lið og kynnti vinnu við gerð velferðarstefnu.

Tekin fyrir að nýju tillaga Halldórs Guðmundssonar framkvæmdastjóra Öldrunarheimila Akureyrarbæjar og Friðnýjar Sigurðardóttur þjónustustjóra ÖA um endurskoðun á reglum frá 2012 um dagþjálfun (áður dagþjónusta), málinu var frestað á fundi 3. mars 2016.

Velferðarráð samþykkir framlagða tillögu að nýjum reglum fyrir dagþjálfun og vísar málinu til bæjarstjórnar.

Lögð fram til kynningar, Greinargerð um kostnaðarútreikning fyrir rekstur hjúkrunarheimilis - rekstrarárið 2016, sem unnin var af ráðgjafastofunni Nolta fyrir Grund og Hrafnistu, en hefur verið dreift til aðildarfélaga SFV.

Halldór Guðmundsson framkvæmdastjóri Öldrunarheimila Akureyrarbæjar reifaði helstu niðurstöður og áherslur verkbeiðanda um gerð skýrslunnar.

Endurskoðuð mannauðsstefna Akureyrarbæjar tekin fyrir að nýju.

Velferðarráð gerir ekki athugasemdir við mannauðsstefnuna en kemur með hugmynd um að heiðra starfsmenn Akureyrarbæjar fyrir langan starfsaldur hjá bænum t.d. eftir 25 eða 30 ára starf.