Velferðarráð - 1262

Fjárhagsáætlun leiguíbúða Akureyrar lögð fram til kynningar.

Karólína Gunnarsdóttir forstöðumaður skrifstofu fjölskyldusviðs og Snjólaug Jóhannesdóttir félagsráðgjafi sátu fundinn undir þessum lið.

Velferðarráð þakkar kynningu.

Snjólaug Jóhannesdóttir félagsráðgjafi kynnti áfrýjun í fjárhagsaðstoð.

Fjárhagserindi og afgreiðsla þeirra færð í trúnaðarbók velferðarráðs.

Lagt fram til kynningar yfirlit yfir sérstakan húsnæðisstuðning á árinu 2017.

Karólína Gunnarsdóttir forstöðumaður skrifstofu fjölskyldudeildar og Lúðvík Freyr Sæmundsson rekstrarstjóri Öldrunarheimila Akureyrar sátu fundinn undir þessum lið.

Velferðarráð þakkar kynningu.

Lagt fram til kynningar yfirlit yfir 8 mánaða rekstur allra málaflokka.

Lúðvík Freyr Sæmundsson rekstrarstjóri Öldrunarheimila Akureyrar sat fundinn undir þessum lið.

Velferðarráð óskar eftir kynningu á málefnum barnaverndar með hliðsjón af auknum vanda vegna vímuefnaneyslu.

Velferðarráð þakkar kynningu.

Lögð fram samantekt um þróunarverkefnið "samfélagshjúkrun" - skýrsla II, en fyrri hluti var lagður fram á fundi 30. ágúst 2017.

Á fundinn mættu Birna Björnsdóttir verkefnastjóri, Friðný Sigurðardóttir forstöðumaður stoðþjónustu Öldrunarheimila Akureyrar og Ingi Þór Ágústsson forstöðumaður Austurhlíðar og kynntu helstu niðurstöður og ályktanir sem af verkefninu má draga. Framkvæmdastjóri Öldrunarheimila Akureyrar, Halldór S. Guðmundsson, hefur lagt inn umsókn um styrk til Framkvæmdasjóðs aldraðra til að halda áfram með þróun og innleiðingu verkefnisins.

Lúðvík Freyr Sæmundsson rekstrarstjóri Öldrunarheimila Akureyrar sat fundinn undir þessum lið.

Velferðarráð þakkar fyrir kynninguna.

Halldór S. Guðmundsson framkvæmdastjóri Öldrunarheimila Akureyrar greindi frá afmælishátíðum sem haldnar voru í Hlíð og Lögmannshlíð í tilefni af að heimilin áttu 55 ára og 5 ára starfsafmæli 29. ágúst og 26. september sl.

Lúðvík Freyr Sæmundsson rekstrarstjóri Öldrunarheimila Akureyrar sat fundinn undir þessum lið.

Velferðarráð þakkar frásögnina.

Lögð fram til kynningar fundargerð 1. fundar Þjónustuhóps aldraðra sem haldin var 22. ágúst 2017.

Lúðvík Freyr Sæmundsson rekstrarstjóri Öldrunarheimila Akureyrar sat fundinn undir þessu lið.

Velferðarráð þakkar kynninguna.

Lögð fram til kynningar fyrirspurn frá Sjúkratryggingum Íslands vegna breytinga á RUG hjúkrunarþyngdarstuðlum hjá Öldrunarheimilum Akureyrar.

Halldór S. Guðmundsson framkvæmdastjóri Öldrunarheimila Akureyrar lagði fram svarbréf vegna fyrirspurnarinnar og kynnti yfirlit um þróun RUG stuðla hjá ÖA og nokkrum öðrum hjúkrunarheimilum.

Lúðvík Freyr Sæmundsson rekstrarstjóri Öldrunarheimila Akureyrar sat fundinn undir þessum lið.

Velferðarráð þakkar kynningu.

Halldór S. Guðmundsson framkvæmdastjóri Öldrunarheimila Akureyrar lagði fram yfirlit um fjölda einstaklinga sem metnir eru af færni- og heilsumatsnefnd í þörf fyrir dvalar- og hjúkrunarrými þann 1. október 2017 ásamt upplýsingum um fjölda notenda í dagþjálfun.

Velferðarráð óskar eftir að unnin verði samantekt um hvernig eða hvort einstaklingar á biðlista eru að nýta aðra öldrunarþjónustu. Jafnframt óskar velferðarráð eftir að fá upplýsingar um fjölda notenda í heimahjúkrun á vegum HSN og um heimaþjónustu og heimsendan mat á vegum búsetusviðs.

Unnið áfram að velferðarstefnu.