Velferðarráð - 1218

Heimsókn í búsetukjarnann í Hafnarstræti og Þrastalundi.

Velferðarráð þakkar fyrir kynningu og móttöku á báðum stöðum.

Jón Heiðar Daðason húsnæðisfulltrúi húsnæðisdeildar kynnti yfirlit vegna húsaleigubóta.

Velferðarráð þakkar kynninguna.

Tekið var fyrir skipun nýrra fulltrúa Akureyrarbæjar í stjórn Fjölsmiðjunnar á Akureyri.

Fulltrúar Akureyrarbæjar í stjórn Fjölsmiðjunnar á Akureyri verða Friðbjörg Sigurjónsdóttir og til vara Róbert Freyr Jónsson.

Lögð fram til kynningar fundargerð 26. fundar félagsþjónustunefndar Sambands íslenskra sveitarfélaga dagsett 27. ágúst 2015.

Soffía Lárusdóttir framkvæmdastjóri búsetudeildar lagði fram til kynningar fundargerð 17. fundar bakhóps vegna yfirfærslu málefna fatlaðs fólks frá ríki til sveitarfélaga sem haldinn var 28. ágúst 2015.

Soffía Lárusdóttir framkvæmdastjóri búsetudeildar, Guðrún Sigurðardóttir framkvæmdastjóri fjölskyldudeildar og Halldór Guðmundsson framkvæmdastjóri ÖA lögðu fram til kynningar skjal sem unnið var að beiðni bæjarráðs vegna vinnslu fjárhagsáætlunar 2016. Í skjalinu koma fram upplýsingar um helstu breytingar í rekstri milli ára, þróun tekna, launa, stöðugild, vörukaupa og þjónustukaupa frá árinu 2013 til og með áætluninni 2016.

Soffía Lárusdóttir framkvæmdastjóri búsetudeildar, Guðrún Sigurðardóttir framkvæmdastjóri fjölskyldudeildar og Halldór Guðmundsson framkvæmdastjóri ÖA lögðu fram og kynntu rekstraryfirlit fyrir fyrstu níu mánuði ársins.

Lagt fram minnisblað dagsett 13. október 2015 frá Fasteignum Akureyrarbæjar og minnisblað frá Halldóri Guðmundssyni framkvæmdastjóra ÖA dagsett 1. nóvember 2015, þar sem greint er frá niðurstöðum og kostnaðaráætlun fyrir endurbætur í Víði- og Furuhlíð. Stjórn Fasteigna Akureyrarbæjar vísaði málinu til umræðu í velferðarráði, sbr. bókun stjórnar FA þann 12. október 2015.

Á fundinn mættu Bryndís Björg Þórhallsdóttir forstöðumaður Víði- og Furuhlíðar og Helga Erlingsdóttir hjúkrunarforstjóri sem fulltrúar ÖA og velferðarráðs í undirbúningshópi vegna endurbótanna.

Velferðarráð þakkar kynninguna og alla þá vinnu sem lögð hefur verið í undirbúning endurbótanna fram til þessa.

Velferðarráð samþykkir þær áherslur sem endurbæturnar taka mið af en frestar ákvörðun um framkvæmdir til næsta fundar.

Lagt fram minnisblað dagsett 1. nóvember 2015 frá Halldóri Guðmundssyni framkvæmdastjóra ÖA þar sem leitað er staðfestingar/samþykkis fyrir uppsetningu á rafrænum aðgangsstýringum á um 120 hurðum í Hlíð.

Mál þetta var áður til afgreiðslu í velferðarráði (félagsmálaráði) þann 6. febrúar 2015, þar sem heimilað var að leita til Fasteigna Akureyrarbæjar með fyrrgreindar breytingar.

Velferðarráð frestar ákvörðun til næsta fundar.

Árni Steinsson og Þórunn Halldórsdóttir mættu á fundinn og kynntu nýstofnað fyrirtæki sitt Umhyggju ehf.

Velferðarráð þakkar fyrir kynninguna.