Skipulagsráð - 366

Erindi Framkvæmdasýslu ríkisins dagsett 23. september 2021 fyrir hönd heilbrigðisráðuneytisins og fjármála- og efnahagsráðuneytisins þar sem óskað er eftir úthlutun lóðarinnar Þingvallastræti 23 til byggingar heilsugæslu.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.

Deiliskipulagi Holtahverfis norður tók gildi með auglýsingu í B-deild Stjórnartíðinda þann 11. maí 2021. Við hönnun hverfisins hafa verið gerðar ýmsar minniháttar breytingar á til dæmis legu stíga, afmörkun nýrra lóða o.s.frv. Þá hafa einnig verið gerðar minniháttar breytingar í samráði við eigendur núverandi fasteigna á svæðinu eins og stækkun lóða, breytingu á aðkomu o.fl. Er deiliskipulagið lagt fram með þessum breytingum auk þess sem bætt hefur verið inn heitum á nýjum íbúagötum.

Að mati skipulagsráðs er um að ræða óverulega breytingu á deiliskipulagi skv. 2. mgr. 43. gr. skipulagslaga nr. 123/2010 og er ekki talin þörf á að grenndarkynna hana skv. 44. gr. skipulagslaga nr. 123/2010.

Fylgiskjöl

• Holtahverfi-dsk-gr-v1.3-.pdf
• Holtahverfi-DSK-210928.pdf

Erindi dagsett 24. september 2021 þar sem Haraldur Sigmar Árnason fyrir hönd Trésmiðju Ásgríms leggur inn fyrirspurn varðandi lóðir 3 og 5-7 við Norðurgötu. Er óskað eftir að lóðirnar verði sameinaðar og í kjölfarið unnið að breytingu á deiliskipulagi sem felur í sér heimild til að byggja fjölbýlishús fyrir allt að 16 íbúðir, með bílakjallara.

Í samræmi við bókun skipulagsráðs frá 27. janúar 2021 þarf að auglýsa lóðina með formlegum hætti áður en henni verður úthlutað. Forsenda auglýsingar lóðarinnar er að spennistöð sem er á lóðinni verði flutt. Er sviðsstjóra skipulagssviðs falið að óska eftir því við stjórn Norðurorku að spennistöðinni verði fundinn nýr staður.

Fylgiskjöl

• Norðurgata 3-5-7 - kynning III.pdf

Erindi dagsett 17. september 2021 þar sem Árni Árnason fyrir hönd Bjarkar Traustadóttur sækir um framkvæmdafrest til 30. apríl 2022 og frest á teikningaskilum til 30. janúar 2022 fyrir lóð nr. 5 við Nonnahaga.

Skipulagsráð samþykkir umbeðinn frest á framkvæmdum og skilum á teikningum.

Umsókn Kistu byggingarfélags dagsett 23. september 2021 um lóðirnar Matthíasarhaga 8, 10 og 12 með fyrirvara um breytingu á deiliskipulagi á þann veg að í stað þriggja einbýlishúsa á tveimur hæðum verði byggt fimm íbúða raðhús á einni hæð.

Á fundi skipulagsráðs þann 9. júní 2021 var því hafnað að breyta deiliskipulagi svæðisins með þeim hætti að á þessum lóðum verði gert ráð fyrir fimm íbúða raðhúsi á einni hæð í stað þriggja einbýlishúsa á tveimur hæðum. Að mati ráðsins hafa forsendur ekki breyst og hafnar skipulagsráð því erindinu.

Fylgiskjöl

• Matthíasarhagi raðhús_M-A-06.jpg

Erindi dagsett 17. september 2021 þar sem Halldór Gunnarsson sækir um stækkun lóðar nr. 5 við Fluguborg til vesturs að reiðgötu.

Skipulagsráð tekur jákvætt í erindið og heimilar umsækjanda að leggja fram tillögu að breytingu á deiliskipulagi. Breytingin verði unnin í samræmi við 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna.

Erindi Helga Þórssonar dagsett 20. september 2021 varðandi lagfæringar á sveitarfélagamörkum Akureyrabæjar og Eyjafjarðarsveitar.

Skipulagsráð felur sviðsstjóra skipulagssviðs að skoða málið í samvinnu við Eyjafjarðarsveit og umhverfis- og mannvirkjasvið.

Fylgiskjöl

• stakiklettur1..pdf
• Landamerki Akureyrar og Eyjafjarðarsveitar - erindi til bæjarstjórnar.

Erindi dagsett 13. september 2021 þar sem Maddalena Marino sækir um leyfi til að vera með söluvagn á hafnarsvæði við Glerárgötu, sjá skýringarmynd. Tímabilið er frá apríl 2022 til október 2022.

Skipulagsráð hafnar erindinu þar sem ekki er gert ráð fyrir langtímastæði fyrir söluvagna á þessum stað í gildandi samþykkt um götu- og torgsölu.

Erindi dagsett 21. september 2021 þar sem Bergur Þór Þórðarson fyrir hönd Orkufjarskipta sækir um framkvæmdaleyfi fyrir ljóslögn frá Mýrarlóni yfir í Hörgárdal. Meðfylgjandi er greinargerð og yfirlýsing landeigenda.

Skipulagsráð samþykkir útgáfu framkvæmdaleyfis í samræmi við fyrirliggjandi erindi.

Fylgiskjöl

• Yfirlit Hörgárdalur_Mýrarlón-Yfirlitsmyndir af núverandi lögnum ásamt tilvonandi lagnaleið..docx

Lögð fram til kynningar fundargerð 831. fundar, dagsett 16. september 2021, með fullnaðarafgreiðslum erinda. Fundargerðin er 4 liðum og er að finna á heimasíðu Akureyrarbæjar.

Lögð fram til kynningar fundargerð 832. fundar, dagsett 23. september 2021, með fullnaðarafgreiðslum erinda. Fundargerðin er í einum lið og er að finna á heimasíðu Akureyrarbæjar.

Lögð fram til kynningar fundargerð 830. fundar, dagsett 8. september 2021, með fullnaðarafgreiðslum erinda. Fundargerðin er í einum lið og er að finna á heimasíðu Akureyrarbæjar.