Bæjarráð - 3770

Rætt um stöðu innleiðingar stjórnsýslubreytinga hjá Akureyrarbæ.

Hulda Sif Hermannsdóttir aðstoðarmaður bæjarstjóra, Karl Frímannsson sviðsstjóri fræðslu- og lýðheilsusviðs og Sumarliði Helgason sviðsstjóri þjónustu- og skipulagssviðs sátu fund bæjarráðs undir þessum lið.

Bæjarráð þakkar fyrir góða kynningu.

Liður 8 í fundargerð umhverfis- og mannvirkjaráðs dagsettri 6. maí 2022:

Lagður fram samningur um sölu almenningssalerna í Kaupvangsstræti.

Umhverfis- og mannvirkjaráð samþykkir samninginn fyrir sitt leyti og vísar til afgreiðslu í bæjarráði.

Guðríður Friðriksdóttir sviðsstjóri umhverfis- og mannvirkjasviðs sat fund bæjarráðs undir þessum lið.

Bæjarráð samþykkir framlagðan kaupsamning milli Akureyrarbæjar og Regins fasteignafélags og felur bæjarstjóra að skrifa undir hann f.h. bæjarins.

Erindi dagsett 5. maí 2022 frá Tryggva Marinóssyni f.h. Hamra útilífsmiðstöðvar skáta á Akureyri þar sem komið er á framfæri tveimur tillögum sem voru samþykktar á aðalfundi félagsins þann 27. mars sl.

Tillögurnar snúast annars vegar um myndun vinnuhóps um brunavarnir og hins vegar um göngu- og hjólastíg meðfram Kjarnavegi að Hömrum og Kjarnaskógi.

Guðríður Friðriksdóttir sviðsstjóri umhverfis- og mannvirkjasviðs sat fund bæjarráðs undir þessum lið.

Bæjarráð samþykkir að vísa erindinu til umhverfis- og mannvirkjasviðs.

Fylgiskjöl

• Hamrar útilífsmiðstöð skáta - tillögur til Akureyrarbæjar varðandi starfssemina að Hömrum.pdf

Liður 5 í fundargerð fræðslu- og lýðheilsuráðs dagsettri 9. maí 2022:

Seinni umræða um ósk um viðauka vegna nemenda með íslensku sem annað tungumál (ÍSAT).

Daníel Sigurður Eðvaldsson fulltrúi foreldra grunnskólabarna, Elías Gunnar Þorbjörnsson fulltrúi grunnskólastjóra, Snjólaug Brjánsdóttir fulltrúi leikskólastjóra, Telma Ósk Þórhallsdóttir fulltrúi ungmennaráðs og Sylvía Dögg Hjörleifsdóttir verkefnastjóri grunnskóla sátu fundinn undir þessum lið.

Fræðslu- og lýðheilsuráð samþykkir framlagðan viðauka að upphæð 12,1 milljónir króna og vísar til bæjarráðs.

Bæjarráð samþykkir að gerður verði viðauki við áætlun ársins 2022 vegna málsins og felur sviðsstjóra fjársýslusviðs að vinna viðaukann.

Lögð fram drög að stefnu Akureyrarbæjar um íbúasamráð til ársins 2026.

Jón Þór Kristjánsson forstöðumaður þjónustu og þróunar og Þórgnýr Dýrfjörð forstöðumaður atvinnu- og menningarmála sátu fund bæjarráðs undir þessum lið.

Bæjarráð samþykkir stefnudrögin fyrir sitt leyti með þeim breytingum sem gerðar voru á fundinum og vísar þeim til frekara samráðs við íbúa sem unnið verður af forstöðumanni þjónustu og þróunar og forstöðumanni atvinnu- og menningarmála.

Fylgiskjöl

• Stefna um íbúasamráð hjá Akureyrarbæ - drög fyrir bæjarráð mai 2022 .pdf

Lagt fram erindi dagsett 11. mars 2022 frá Davíð Rúnari Gunnarssyni framkvæmdastjóra Viðburðastofu Norðurlands f.h. Vina Akureyrar, þar sem óskað er eftir styrk að upphæð kr. 1.800 þúsund vegna fjölskylduhátíðarinnar Einnar með öllu um verslunarmannahelgina.

Málið var áður á dagskrá bæjarráðs 5. maí sl. og var forstöðumanni atvinnu- og menningarmála falið að vinna áfram að gerð samnings og leggja fyrir næsta fund ráðsins.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Bæjarráð samþykkir framlagðan samning við Viðburðastofu Norðurlands um stuðning Akureyrarbæjar við fjölskylduhátíðina Eina með öllu um verslunarmannahelgina 2022.

Erindi dagsett 3. maí 2022 frá Hólmari Erlu Svanssyni framkvæmdastjóra Háskólans á Akureyri þar sem óskað er eftir framlagi til Akureyrarsjóðs HA. Einnig er meðfylgjandi fyrri beiðni frá 2021 þar sem gerð er grein fyrir verkefnum áranna á undan.

Bæjarráð samþykkir að leggja fram eina milljón króna til Akureyrarsjóðs HA og felur bæjarstjóra að ganga frá samningi vegna þessa.

Fylgiskjöl

• Akureyrarsjóður20211.pdf
• Akureyrarsjóður 2022.pdf

Tekið fyrir erindi dagsett 4. maí 2022 þar sem Þorsteinn E. Arnórsson f.h. Iðnaðarsafnsins á Akureyri óskar eftir 5 milljóna króna fjárframlagi til að standa straum af kostnaði við einn starfsmann hjá Iðnaðarsafninu til áramóta.

Bæjarráð samþykkir að veita þrjár milljónir króna til verkefnisins og felur sviðsstjóra fjársýslusviðs að gera viðauka vegna málsins.

Fylgiskjöl

• Styrkbeiðni frá Iðnaðarsafninu.pdf

Erindi dagsett 3. maí 2022 frá Jóhanni Steinari Jóhannssyni f.h. stjórnar Stapa lífeyrissjóðs þar sem boðað er til ársfundar sjóðsins miðvikudaginn 1. júní nk. Fundurinn verður haldinn í menningarhúsinu Hofi á Akureyri og hefst kl. 14:00.

Bæjarráð felur bæjarstjóra að fara með atkvæði Akureyrarbæjar á ársfundinum.

Fylgiskjöl

• Stapi lífeyrissjóður - ársfundur 2022 - fundarboð.pdf

Erindi dagsett 28. apríl 2022 frá Haraldi Þór Egilssyni f.h. Minjasafnsins á Akureyri þar sem boðað er til aðalfundar Minjasafnsins á Akureyri fimmtudaginn 12. maí kl. 12.

Bæjarráð felur bæjarstjóra að fara með atkvæði Akureyrarbæjar á ársfundinum.

Fylgiskjöl

• Minjasafnið á Akureyri Aðalfundarboð 2022.pdf

Erindi dagsett 5. maí 2022 þar sem Hulda Ragnheiður Árnadóttir, f.h. Náttúruhamfaratryggingar Íslands, boðar til ársfundar 19. maí nk. á Grand hótel. Sveitarstjórnarfólk er hvatt til að skrá sig á fundinn fyrir 15. maí nk.

Fylgiskjöl

• Dagskrá ársfundar 2022.png
• Náttúruhamfaratrygging, kynning á starfsemi - Ársfundur

Fundargerð stjórnar Markaðsstofu Norðurlands frá 4. maí 2022 lögð fram til kynningar.

Fylgiskjöl

• Stjórnarfundur MN 04.05.2022.pdf

Lögð fram til kynningar fundargerð 909. fundar stjórnar Sambands íslenskra sveitarfélaga dagsett 27. apríl 2022.

Fylgiskjöl

• stjórn Sambands íslenskra sveitarfélaga - 909.pdf

Lagt fram til kynningar erindi dagsett 2. maí 2022 frá velferðarnefnd Alþingis þar sem óskað er umsagnar um frumvarp til laga um atvinnuréttindi útlendinga (einstaklingar sem flytjast til innan viðskiptafyrirtækis), 482. mál 2022.

Þess er óskað að undirrituð umsögn berist eigi síðar en 16. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/152/s/0695.pdf

Lagt fram til kynningar erindi dagsett 2. maí 2022 frá velferðarnefnd Alþingis þar sem óskað er umsagnar um frumvarp til laga um sorgarleyfi, 593. mál 2022.

Þess er óskað að undirrituð umsögn berist eigi síðar en 16. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/152/s/0835.pdf

Lagt fram til kynningar erindi dagsett 2. maí 2022 frá velferðarnefnd Alþingis þar sem óskað er umsagnar um frumvarp til laga um breytingu á ýmsum lögum í þágu barna (samþætting þjónustu í þágu barna, snemmtækur stuðningur), 530. mál 2022.

Þess er óskað að undirrituð umsögn berist eigi síðar en 16. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/pdf/152/s/0758.pdf