Bæjarráð - 3678

Farið yfir stöðu og viðbragðsáætlanir bæjarins.

Andri Teitsson formaður umhverfis- og mannvirkjaráðs, Dan Jens Brynjarsson sviðsstjóri fjársýslusviðs og Guðríður Friðriksdóttir sviðsstjóri umhverfis- og mannvirkjasviðs sátu fund bæjarráðs undir þessum lið.

Liður 3 í fundargerð kjarasamninganefndar dagsettri 6. apríl 2020:

Umfjöllun um ósamræmi í launakjörum sjúkraliða sem vinna sömu störf skv. mismunandi kjarasamningum. Lagt er til að samþykkt verði að jafna kjör núverandi starfsmanna sem eru félagsmenn í Kili við kjör félagsmanna í Sjúkraliðafélagi Íslands frá 1. janúar 2020 og gildi ákvörðunin til loka núgildandi kjarasamnings 31. mars 2023.

Kjarasamninganefnd samþykkir að leggja til við bæjarráð að jafna kjör núverandi félagsmanna í Kili við kjör félagsmanna í Sjúkraliðafélagi Íslands með gildistíma til 31. mars 2023.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir að kjör sjúkraliða sem eru félagsmenn í Kili verði jöfnuð við kjör félagsmanna í Sjúkraliðafélagi Íslands frá 1. janúar 2020 til loka núgildandi kjarasamnings, 31. mars 2023.

Liður 6 í fundargerð frístundaráðs dagsettri 25. mars 2020:

Sviðsstjóri kynnti tillögu að fyrirhuguðum breytingum á skipuriti samfélagssviðs.

Bryndís Elfa Valdemarsdóttir starfandi deildarstjóri forvarna- og frístundadeildar sat fundinn undir þessum lið.

Meirihluti frístundaráðs samþykkir tillöguna.

Berglind Ósk Guðmundsdóttir D-lista og Viðar Valdimarsson M-lista greiða atkvæði á móti.

Berglind Ósk Guðmundsdóttir D-lista og Viðar Valdimarsson M-lista leggja fram eftirfarandi bókun:

Fulltrúar minnihlutans telja óábyrgt að samþykkja tillögu um breytingu á skipulagi sem inniheldur ekki kostnaðaráætlun og hafna af þessari ástæðu tillögunni.



Liður 5 í fundargerð stjórnar Akureyrarstofu dagsettri 26. mars 2020:

Kristinn J. Reimarsson sviðsstjóri gerði grein fyrir tillögu að fyrirhuguðum breytingum á skipuriti samfélagssviðs.

Stjórn Akureyrarstofu samþykkir breytingarnar fyrir sitt leyti og vísar þeim til bæjaráðs.



Liður 2 í fundargerð kjarasamninganefndar dagsettri 6. apríl 2020:

Umfjöllun um tillögur að breytingum á skipuriti samfélagssviðs.

Kristinn Jakob Reimarsson sviðsstjóri samfélagssviðs og Inga Þöll Þórgnýsdóttir bæjarlögmaður sátu fund kjarasamninganefndar undir þessum lið.

Kjarasamninganefnd leggur til við bæjarráð að greitt verði stjórnendaálag fyrir störf forstöðumanns íþróttamála, forstöðumanns sundlauga, forstöðumanns forvarna og forstöðumanns Akureyrarstofu samkvæmt reglum Akureyrarbæjar um stjórnendaálag forstöðumanna.

Kjarasamninganefnd leggur jafnframt til við bæjarráð að samþykkt verði að laun þeirra starfsmanna sem gegna störfum sem taka breytingum vegna breytinga á skipuriti samfélagssviðs lækki ekki á meðan unnið er að mati á störfum í starfsmati og gildi sú ákvörðun til 31. desember 2021. Samkvæmt verklagsreglum starfsmats ber að meta ný störf í starfsmati þegar sex mánaða reynsla er komin á störfin. Starfsmaður á rétt á því að óska eftir endurmati þegar niðurstaða liggur fyrir um mat á starfi. Kjarasamninganefnd leggur áherslu á að unnið verði að mati á ofangreindum störfum í samræmi við gildandi verklagsreglur um mat á nýjum störfum.



Halla Margrét Tryggvadóttir sviðsstjóri stjórnsýslusviðs og Kristinn J. Reimarsson sviðsstjóri samfélagssviðs sátu fund bæjarráðs undir þessum lið.

Bæjarráð samþykkir nýtt skipurit fyrir samfélagssvið með 5 samhljóða atkvæðum. Jafnframt samþykkir bæjarráð að laun þeirra starfsmanna sem gegna störfum sem taka breytingum vegna breytinga á skipuritinu lækki ekki meðan unnið er að mati á störfum í starfsmati og gildir sú ákvörðun til 31. desember 2021.

Liður 7 í fundargerð frístundaráðs dagsettri 25. mars 2020:

Farið yfir breytingar á samþykkt fyrir frístundaráð meðal annars m.t.t. nýrrar mannréttindastefnu.

Bryndís Elfa Valdemarsdóttir starfandi deildarstjóri forvarna- og frístundadeildar sat fundinn undir þessum lið.

Frístundaráð samþykkir breytingar á samþykkt ráðsins og vísar þeim til endanlegrar samþykktar í bæjarráði og bæjarstjórn.

Málið var áður á dagskrá bæjarráðs 2. mars sl. og var afgreiðslu þá frestað.

Bæjarráð samþykkir fyrir sitt leyti breytingar á samþykkt fyrir frístundaráð og vísar þeim til endanlegrar afgreiðslu í bæjarstjórn.

Erindi dagsett 25. mars 2020 frá Tryggva Marinóssyni f.h. stjórnar og aðalfundar Hamra, útilífsmiðstöðvar skáta, þar sem óskað er eftir að gengið verði frá samningum varðandi samstarf um uppbyggingu og eignarhald svæðisins að Hömrum, sbr. fyrirheit í fyrri samningum og samþykktum. Einnig er beint til bæjarins nokkrum tillögum sem fjalla um málefni er varða starfsemina.

Bæjarráð felur bæjarstjóra að ræða við bréfritara.

Fylgiskjöl

• Hamrar_bref_tillögur_mars_2020.pdf
• Tillögur_aðalfundur_Hamra_2020.pdf

Lögð fram drög að endurskoðaðri skjalastefnu Akureyrarbæjar og drög að verklagsreglum um meðferð skjala.

Bæjarráð samþykkir fyrir sitt leyti endurskoðaða skjalastefnu og drög að verklagsreglum um meðferð skjala og vísar málinu til endanlegrar afgreiðslu bæjarstjórnar.

Erindi dagsett 30. mars 2020 frá Hólmari Svanssyni framkvæmdastjóra Háskólans á Akureyri þar sem óskað er eftir endurskoðun á upphæð framlags Akureyrarbæjar til Verkefnasjóðs Háskólans á Akureyri - Akureyrarsjóðs frá og með árinu 2021.

Bæjarráð tekur jákvætt í erindið og vísar því til gerðar fjárhagsáætlunar 2021.

Fylgiskjöl

• Akureyrarsjodur_osk_HA_um_haekkun_framlags_30_mars_2020.pdf