Bæjarráð - 3764

Lögð fram drög að verklagsreglum um yfirlestur bæjarlögmanns á samningum, útboðsgögnum, stefnum, reglum og samþykktum.

Inga Þöll Þórgnýsdóttir bæjarlögmaður sat fund bæjarráðs undir þessum lið.

Bæjarráð samþykkir verklagsreglurnar með fimm samhljóða atkvæðum og felur bæjarstjóra og bæjarlögmanni að kynna þær sviðsstjórum og forstöðumönnum.

Fylgiskjöl

• Verklagsreglur útboð og samningar - samþ. í bæjarráði 24. febrúar 2022.pdf

Umfjöllun um túlkun og framkvæmd reglna Akureyrarbæjar um tímabundin viðbótarlaun.

Halla Margrét Tryggvadóttir sviðsstjóri mannauðssviðs og Inga Þöll Þórgnýsdóttir bæjarlögmaður sat fund bæjarráðs undir þessum lið.

Umfjöllun um starfsmannakannanir hjá Akureyrarbæ.

Birna Eyjólfsdóttir forstöðumaður mannauðsmála og Halla Margrét Tryggvadóttir sviðsstjóri mannauðssviðs sátu fund bæjarráðs undir þessum lið.

Kynntur nýgerður kjarasamningur Sambands íslenskra sveitarfélaga við Félag grunnskólakennara.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Kynntur nýgerður kjarasamningur Sambands íslenskra sveitarfélaga við Fræðagarð, Félag íslenskra félagsvísindamanna, Stéttarfélag lögfræðinga og Stéttarfélag bókasafns og upplýsingafræðinga.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Kynnt tillaga að endurskoðun mannréttindastefnu Akureyrarbæjar.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð felur bæjarstjóra og mannauðsstjóra að gera tillögu um með hvaða hætti fylgja á eftir mannréttindastefnu Akureyrarbæjar í kjölfar stjórnsýslubreytinga.

Guðmundur Baldvin Guðmundsson B-lista vék af fundi kl. 09:50.

Erindi dagsett 14. mars 2022 þar sem Steindór Kr. Ragnarsson framkvæmdastjóri Golfklúbbs Akureyrar óskar eftir samþykki Akureyrarbæjar til að skilmálabreyta núverandi langtímaláni Golfklúbbs Akureyrar, sem tryggt er með veði í golfskálanum að Jaðri, úr verðtryggðu yfir í óverðtryggt.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð heimilar Golfklúbbi Akureyrar skilmálabreytingu á núverandi langtímaláni í samræmi við framlagt erindi og felur sviðsstjóra fjársýslusviðs að ganga frá málinu.

Fylgiskjöl

• Erindi vegna skilmálabreytinga láns.pdf

Liður 3 í fundargerð umhverfis- og mannvirkjaráðs dagsettri 11. mars 2022:

Lagt fram minnisblað dagsett 9. mars 2022 varðandi kaup á rafmagnsstrætisvagni.

Dóra Sif Sigtryggsdóttir forstöðumaður rekstrardeildar sat fundinn undir þessum lið.

Umhverfis- og mannvirkjaráð mælir með kaupum á rafmagnsstrætisvagni og vísar ákvörðun um útboð til bæjarráðs. Áætlaður kostnaður við kaup á vagninum er kr. 75-80 milljónir.

Dan Jens Brynjarsson sviðsstjóri fjársýslusviðs og Dóra Sif Sigtryggsdóttir forstöðumaður rekstrardeildar umhverfis- og mannvirkjasviðs sátu fund bæjarráðs undir þessum lið.

Bæjarráð frestar afgreiðslu málsins.

Liður 4 í fundargerð umhverfis- og mannvirkjaráðs dagsettri 11. mars 2022:

Lagt fram minnisblað dagsett 9. mars 2022 varðandi kaup á ferliþjónustubílum.

Dóra Sif Sigtryggsdóttir forstöðumaður rekstrardeildar sat fundinn undir þessum lið.

Umhverfis- og mannvirkjaráð samþykkir að leitað verði eftir verði í tvær bifreiðar sem ganga fyrir umhverfisvænum orkugjafa. Ein bifreið komi inn í rekstur á árinu 2022 og ein á árinu 2023. Kostnaður við kaup á ferlibifreið er áætlaður kr. 18-20 milljónir og samtals er því um að ræða að áætluð fjármagnsþörf næstu tvö árin sé um kr. 40 milljónir.

Vegna mistaka í framlögðum gögnum við afgreiðslu áætlunargerðar Akureyrarbæjar skilaði beiðni um fjármagn til kaupa á ferlibifreiðum sér ekki alla leið. Ráðið óskar eftir viðauka vegna þessa til bæjarráðs þar sem fjármagnið verði sett á framkvæmdaráætlun.

Dan Jens Brynjarsson sviðsstjóri fjársýslusviðs og Dóra Sif Sigtryggsdóttir forstöðumaður rekstrardeildar umhverfis- og mannvirkjasviðs sátu fund bæjarráðs undir þessum lið.

Bæjarráð samþykkir að fjármagn sem ætlað var til strætisvagnakaupa á árinu fari til kaupa á tveimur vistvænum ferlibílum.

Lagt fram verðmat Fasteignasölunnar Byggðar á um 36 fm geymslu við húsið Lundeyri F214-8468 í Holtahverfi. Fjarlægja þarf geymsluna vegna vegaframkvæmda og er í deiliskipulagi gert ráð fyrir að geymslan verði fjarlægð.

Dan Jens Brynjarsson sviðsstjóri fjársýslusviðs og Pétur Ingi Haraldsson skipulagsfulltrúi sátu fund bæjarráðs undir þessum lið.

Bæjarráð felur skipulagsfulltrúa og sviðsstjóra fjársýslusviðs að leggja fram kauptilboð í eignina og leggja kaupsamning fyrir bæjarráð til staðfestingar, náist samningar.

Skipan fulltrúa í fagráð starfslauna listamanna. Fagráðið er bæjarráði til ráðgjafar um val á listamanni sem hljóta mun starfslaun listamanna árið 2022.

Samþykkt um starfslaunin: akureyri.is/is/moya/page/samthykkt-um-starfslaun-listamanna

Bæjarráð samþykkir framlagða tillögu að skipan fagráðs starfslauna listamanna.

Lögð fram til kynningar fundargerð 151. fundar hverfisráðs Hríseyjar dagsett 8. mars 2022.

Gunnar Gíslason D-lista vék af fundi kl. 10:45.

Fylgiskjöl

• 151. fundur hverfisráðs Hríseyjar 08.03.22.pdf

Lögð fram til kynningar fundargerð 271. fundar stjórnar Norðurorku hf. dagsett 25. febrúar 2022.

Fylgiskjöl

• 271. fundur 25.02.2022.pdf

Lögð fram til kynningar fundargerð 36. fundar stjórnar SSNE dagsett 9. mars 2022.

Fylgiskjöl

• Fundargerð 36. fundar.pdf