Bæjarráð - 3781

Kynning á jafnlaunastjórnunarkerfi Akureyrarbæjar.

Halla Margrét Tryggvadóttir sviðsstjóri mannauðssviðs sat fund bæjaráðs undir þessum lið.

Kynning á nýgerðum kjarasamningi Skólastjórafélags Íslands og Sambands íslenskra sveitarfélaga.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Fylgiskjöl

• kjarasamningur-sns-og-si-260822-lok.pdf
• Kynning_Kjarasamningur SNS við SI_7.9.2022.pdf

Kynning á nýgerðum kjarasamningi Félags stjórnenda leikskóla og Sambands íslenskra sveitarfélaga.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Fylgiskjöl

• kjarasamningur-fsl-260822-lok.pdf
• Kynning_Kjarasamningur SNS við FSL_7.9.2022 (002).pdf

Lögð fram tillaga að útfærslu styttingar vinnutíma tónlistarskólakennara.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð samþykkir tillögu að útfærslu styttingar vinnutíma tónlistarskólakennara með gildistíma frá 1. september 2022.

Kynnt erindi frá Ólafi Stefánssyni slökkviliðsstjóra dagsett 15. september 2022 um að tveimur starfsmönnum slökkviliðsins verði veitt launað námsleyfi til menntunar í bráðatækni.

Halla Margrét Tryggvadóttir sviðsstjóri mannauðssviðs sat fund bæjarráðs undir þessum lið.

Bæjarráð frestar erindinu til næsta fundar bæjarráðs og óskar eftir frekari upplýsingum.

Lögð fram drög að fjárhags- og starfsáætlun fyrir málaflokk 121 - fjársýslusvið, mannauðssvið og þjónustu- og skipulagssvið.

Dan Jens Brynjarsson sviðsstjóri fjársýslusviðs, Halla Margrét Tryggvadóttir sviðsstjóri mannauðssviðs og Sumarliði Helgason sviðsstjóri þjónustu- og skipulagssviðs sátu fund bæjarráðs undir þessum lið.

Lagt fram minnisblað Ásthildar Sturludóttur bæjarstjóra varðandi vestnorrænu menningarhátíðina Listin að lifa á Norðurslóðum. Erindi hefur borist bæjarstjóra þar sem óskað er eftir samstarfi um framkvæmd hátíðarinnar á Akureyri vorið 2024. Bæjarstjóri kynnti erindið.

Bæjarráð felur bæjarstjóra að ræða við SSNE um erindið.

Liður 19 í fundargerð skipulagsráðs dagsettri 14. september 2022:

Í mars árið 2019 samþykkti bæjarstjórn Akureyrarbæjar að veita 75% afslátt af gatnagerðargjöldum á lóðum í Hrísey og Grímsey til ársloka 2021. Fyrir liggur að hverfisráð Hríseyjar hefur óskað eftir að gatnagerðargjald verði fellt niður í stað afsláttar til hvatningar hugsanlegum lóðakaupendum og til að bæta samkeppnisstöðu Hríseyjar gagnvart nærliggjandi byggðakjörnum þar sem þessi gjöld hafa verið felld niður við þegar tilbúnar götur.

Skipulagsráð leggur til við bæjarráð að 75% afsláttur verði veittur af gatnagerðargjöldum í Hrísey til ársloka 2024.

Bæjarráð samþykkir að 75% afsláttur verði veittur af gatnargerðargjöldum í Hrísey til ársloka 2024.

Liður 5 í fundargerð öldungaráðs dagsettri 7. september 2022:

Rætt um stöðu aðgerðaáætlunar í málefnum eldra fólks.

Öldungaráð telur nauðsynlegt að fá kynningu á stöðu aðgerðaáætlunar í málefnum eldra fólks á næsta fundi ráðsins. Öldungaráð telur einnig mikilvægt að bæjarráð hugi sem fyrst að skipan starfshóps fyrir annan áfanga aðgerðaáætlunarinnar.

Bæjarráð mun skipa starfshóp á næsta fundi bæjarráðs.

Fylgiskjöl

• Aðgerðaáætlun fyrir eldra fólk á Akureyri með greinargerð samþ. í bæjarráði 2. desember 2021.pdf

Lögð fram drög að endurskoðuðu erindisbréfi nafnanefndar Akureyrarbæjar.

Jón Þór Kristjánsson forstöðumaður þjónustu og þróunar sat fund bæjarráðs undir þessum lið.

Bæjarráð samþykkir endurskoðað erindisbréf nafnanefndar Akureyrarbæjar og felur forstöðumanni þjónustu og þróunar að koma með tillögur að nefndarmönnum.

Tekið fyrir erindi dagsett 18. september 2022 frá Birki Baldvinssyni f.h. stjórnar Súlna Vertical þar sem óskað er eftir endurnýjuðu samstarfi um framkvæmd fjallahlaupsins.

Birkir Baldvinsson kynnti efni erindisins.

Þórgnýr Dýrfjörð forstöðumaður atvinnu- og menningarmála sat fund bæjarráðs undir þessum lið.

Bæjarráð þakkar Birki Baldvinssyni fyrir kynninguna og tekur jákvætt í erindið. Bæjarráð felur forstöðumanni atvinnu- og menningarmála að leggja fram drög að viljayfirlýsingu um áframhaldandi stuðning Akureyrarbæjar við Súlur Vertical til 5 ára.

Tekið fyrir erindi dagsett 16. september 2022 frá Ingibjörgu Halldórsdóttur f.h. Eyjafjarðardeildar Rauða krossins þar sem óskað er eftir stuðningi við starfsemi Frú Ragnheiðar á Akureyri.

Bæjarráð frestar afgreiðslu og felur bæjarstjóra að afla frekari upplýsinga.

Hilda Jana Gísladóttir, Sunna Hlín Jóhannesdóttir og Jana Salóme Ingibjargar Jósepsdóttir óska bókað:

Við teljum mikilvægt að styðja við starfsemi Frú Ragnheiðar á Akureyri, enda um að ræða mikilvægt samfélagslegt verkefni. Bæjarráð ætti því að taka jákvætt í erindið og undirbúa drög að samkomulagi við Eyjafjarðardeild Rauða krossins.

Fylgiskjöl

• Beiðni um stuðning við starfsemi Frú Ragnheiðar á Akureyri 2022.pdf

Lögð fram til kynningar tillaga að stjórn Sambands íslenskra sveitarfélaga 2022-2026. Sunna Hlín Jóhannesdóttir er tilnefnd sem varafulltrúi fyrir Norðausturkjördæmi.

Bæjarráð bókar að það sé afar sérstakt að Akureyrarbær eigi ekki aðalfulltrúa í stjórn Sambands íslenskra sveitarfélaga annað kjörtímabilið í röð.

Fylgiskjöl

• Tillaga að stjórn Sambands íslenskra sveitarfélaga 2022-2026.pdf

Lögð fram drög að upplýsingastefnu stjórnvalda sem birt hafa verið í samráðsgátt. Umsagnarfrestur er til og með 9. október 2022.

Bæjarráð felur þjónustu- og skipulagssviði að rýna drög að upplýsingastefnu stjórnvalda og leggja fyrir bæjarráð.

Fylgiskjöl

• Upplýsingastefna stjórnvalda_drög.pdf