Bæjarráð - 3574

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Einnig mætti á fund bæjarráðs undir þessum lið bæjarfulltrúinn Eva Hrund Einarsdóttir D-lista.

Bæjarráð vísar fjárhagsáætlun Akureyrarbæjar 2018-2021 til fyrri umræðu í bæjarstjórn.

Eiríkur Björn Björgvinsson bæjarstjóri vék af fundi kl. 09:50.

Fylgiskjöl

• Fjárhagsáætlun Akureyrarbæjar 2018-2021-bók v2 fyrri umræða.pdf

Lögð fram tillaga sviðsstjóra fjársýslusviðs dagsett 25. október 2017 um afskriftir krafna.

Kröfurnar eru frá árunum 2014 og eldri árum. Jafnframt er um að ræða yngri kröfur hjá gjaldþrota aðilum og einstaklingum sem fengið hafa greiðsluaðlögun.

Samtals er um 566 kröfur að ræða að fjárhæð 9.411.303 krónur.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir tillögu sviðsstjóra fjársýslusviðs um afskriftir 566 krafna að fjárhæð 9.411.303 krónur.

Lagður fram samningur milli ríkissjóðs og Akureyrarkaupstaðar um uppgjör lífeyrisskuldbindinga í Lífeyrissjóði starfsmanna Akureyrarbæjar vegna Öldrunarheimila Akureyrarbæjar dagsettur 26. október 2017.

Einnig lagður fram samningur milli ríkissjóðs og Akureyrarkaupstaðar um uppgjör lífeyrisskuldbindinga í B-deild Lífeyrissjóðs starfsmanna ríkisins og Lífeyrissjóði hjúkrunarfræðinga vegna hjúkrunarheimilis sveitarfélags dagsettur 26. október 2017.

Dan Jens Brynjarsson sviðsstjóri fjármálasviðs sat fund bæjarráðs undir þessum lið.

Bæjarráð staðfestir samningana.

Fylgiskjöl

• Samningur milli ríkissjóðs og Akureyrarkaupstaðar um uppgjör lífeyrisskuldbindinga í Lífeyrissjóði starfsmanna Akureyrarbæjar vegna Öldrunarheimila Akureyrarbæjar.pdf
• Samningur milli ríkissjóðs og Akureyrarkaupstaðar um uppgjör lífeyrissku....pdf

2. liður í fundargerð frístundaráðs dagsett 26. október 2017:

Framhald frá síðasta fundi. Fullmótaður samningur lagður fram til samþykktar.

Ellert Örn Erlingsson deildarstjóri íþróttamála kynnti samninginn.

Frístundaráð samþykkir samninginn fyrir sitt leyti og lýsir yfir mikilli ánægju með hann.

Frístundaráð vísar samningnum til endanlegrar afgreiðslu bæjarráðs.

Dan Jens Brynjarsson sviðsstjóri fjármálasviðs sat fund bæjarráðs undir þessum lið.

Meirihluti bæjarráðs samþykkir samninginn og felur bæjarstjóra að undirrita hann.

Sóley Björk Stefánsdóttir V-lista sat hjá við afgreiðslu.

Lögð fram til kynningar dagskrá aðalfundar Eyþings sem haldinn verður á Siglóhóteli, Siglufirði dagana 10. og 11. nóvember nk.

Farið yfir lista yfir aðal- og varafulltrúa á aðalfund Eyþing.