Bæjarráð - 3484

Unnið að gerð fjárhagsáætlunar.

Dan Jens Brynjarsson fjármálastjóri sat fund bæjarráðs undir þessum lið.

1. liður í fundargerð framkvæmdaráðs dagsett 20. nóvember 2015:

Lögð fram fjárhagsáætlun Akureyrarbæjar 2016-2019, sem tekin var til fyrri umræðu í bæjarstjórn 3. nóvember sl. og endurskoðun á rekstri Slökkviliðs Akureyrar m.t.t. sérfræðiaðstoðar.

Ólafur Stefánsson slökkviliðsstjóri mætti á fundinn.

Framkvæmdaráð óskar eftir að sérfræðiþjónusta verði hækkuð hjá Slökkviliði Akureyrar um 1,5 milljónir króna og vísar því til bæjaráðs.

Dan Jens Brynjarsson fjármálastjóri sat fund bæjarráðs undir þessum lið.

Bæjarráð vísar erindinu til gerðar fjárhagsáætlunar.

Lögð fram tillaga um útsvarsprósentu í staðgreiðslu opinberra gjalda á árinu 2016 í Akureyrarkaupstað.

Dan Jens Brynjarsson fjármálastjóri sat fund bæjarráðs undir þessum lið.

Bæjarráð samþykkir hámarksútsvarsprósentu fyrir árið 2016 og vísar tillögunni til afgreiðslu bæjarstjórnar.

Lögð fram tillaga að álagningu fasteignagjalda á árinu 2016.

Dan Jens Brynjarsson fjármálastjóri sat fund bæjarráðs undir þessum lið.

Bæjarráð samþykkir framlagða tillögu um álagningu fasteignagjalda 2016 og vísar henni til afgreiðslu bæjarstjórnar.

Farið yfir fyrirhugaðar framkvæmdir á Listasafninu.

Guðríður Friðriksdóttir framkvæmdastjóri Fasteigna Akureyrarbæjar mætti á fund bæjarráðs undir þessum lið.

Einnig sat Dan Jens Brynjarsson fjármálastjóri fundinn undir þessum lið.

Farið yfir stöðu framkvæmda við Drottningarbraut.

Helgi Már Pálsson bæjartæknifræðingur mætti á fund bæjarráðs undir þessum lið.

Einnig sat Dan Jens Brynjarsson fjármálastjóri fundinn undir þessum lið.

Erindi dagsett 17. nóvember 2015 frá undirbúningshópi vegna ráðstefnunnar Enginn er eyland. Ísland og alþjóðasamfélagið - staða og framtíð Íslands í samfélagi þjóðanna. Ráðstefnuna halda AkureyrarAkademían og Háskólinn á Akureyri í samvinnu við utanríkisráðuneytið. Óskað er eftir að Akureyrarbær styrki ráðstefnuhaldið og undirbúning þess með beinu fjárframlagi að upphæð kr. 300.000.

Bæjarráð samþykkir styrk að upphæð kr. 150.000 sem færist af styrkveitingum bæjarráðs 2016.

Lagt fram til kynningar erindi dagsett 9. nóvember 2015 frá Sóleyju Tómasdóttur forseta borgarstjórnar Reykjavíkur. Í erindinu er lagt til að næsti sameiginlegi fundur bæjarfulltrúa Akureyrarbæjar og borgarstjórnar Reykjavíkur verði haldinn í Reykjavík þann 4. mars 2016.

Lagt fram til kynningar þakkarbréf dagsett 16. nóvember 2015 frá Mikhail Pogodaev framkvæmdastjóra Northern Forum fyrir þátttöku fulltrúa Akureyrarbæjar í ráðstefnu sem haldin var 4.- 6. nóvember sl. í Yakutsk, Republic of Sakha (Yakutia), Russia.

Lagt fram til kynningar erindi dagsett 18. nóvember 2015 frá velferðarnefnd Alþingis þar sem óskað er umsagnar um tillögu til þingsályktunar um stefnu og aðgerðaáætlun í geðheilbrigðismálum til fjögurra ára, 338. mál.

Þess er óskað að undirrituð umsögn berist eigi síðar en 4. desember 2015 á netfangið nefndasvid@althingi.is.

Þingskjalið er hægt að sækja á vef Alþingis: http://www.althingi.is/altext/145/s/0405.html

Margrét Kristín Helgadóttir Æ-lista vék af fundi kl. 12:16.