Bæjarráð - 3873

Liður 5 í fundargerð umhverfis- og mannvirkjaráðs dagsettri 3. desember 2024:

Lagt fram minnisblað dagsett 30. nóvember 2024 varðandi kostnað í snjómokstri á árinu 2024.

Dóra Sif Sigtryggsdóttir forstöðumaður rekstrardeildar og umhverfismiðstöðvar sat fundinn undir þessum lið.

Umhverfis- og mannvirkjaráð samþykkir að óska eftir til bæjarráðs viðauka við fjárhagsáætlun 2024 í liðnum snjómokstur og hálkuvarnir að upphæð kr. 60.000.000.

Dan Jens Brynjarsson sviðsstjóri fjársýslusviðs og Guðríður Friðriksdóttir sviðsstjóri umhverfis- og mannvirkjasviðs sátu fund bæjarráðs undir þessum lið.

Bæjarráð samþykkir að gerður verði viðauki við fjárhagsáætlun ársins 2024 að fjárhæð kr. 60.000.000 vegna málsins.

Fylgiskjöl

• Snjómokstur_VIAUK 01_20241130.pdf

Liður 9 í fundargerð umhverfis- og mannvirkjaráðs dagsettri 3. desember 2024:

Lögð fram minnisblöð varðandi ástand og endurnýjun á lýsingu í Boganum.

Umhverfis- og mannvirkjaráð samþykkir að fara í endurnýjun á lýsingu í Boganum og að ljósin verði keypt á árinu 2025. Heildarkostnaður við verkið er áætlaður um kr. 60 milljónir. Umhverfis- og mannvirkjaráð óskar eftir því við bæjarráð að upphæðin verði sett á fjárfestingaráætlun ársins 2025.

Dan Jens Brynjarsson sviðsstjóri fjársýslusviðs, Guðríður Friðriksdóttir sviðsstjóri umhverfis- og mannvirkjasviðs og Ellert Örn Erlingsson forstöðumaður íþróttamála sátu fund bæjarráðs undir þessum lið.

Bæjarráð samþykkir að farið verði í útboð á lýsingu í Boganum og felur sviðsstjóra umhverfis- og mannvirkjasviðs að vinna málið áfram og skoða hvort verkefnið rúmist innan samþykktrar fjárfestingaáætlunar 2025.

Fylgiskjöl

• Verðfyrirspurn ljós 20241010.pdf

Lagður fram viðauki 7.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir viðauka 7 að fjárhæð 151,9 m.kr. og vísar honum til staðfestingar í bæjarstjórn. Viðaukinn er fyrst og fremst til kominn vegna nýrra kjarasamninga.

Fylgiskjöl

• Viðauki 7 2024 KB.pdf

Lagður fram viðauki 8.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir viðauka 8 að fjárhæð 60 m.kr. og vísar honum til staðfestingar í bæjarstjórn. Viðaukinn er til kominn vegna aukins kostnaðar við snjómokstur og hálkuvarnir.

Fylgiskjöl

• Viðauki 8 2024KB.pdf

Lagt fram erindi dagsett 29. nóvember 2024 þar sem Eyþór Björnsson forstjóri Norðurorku óskar eftir afstöðu bæjarráðs til erindis frá Arctic Hydro til stjórnar Norðurorku varðandi formlegar, óskuldbindandi viðræður um möguleika á samstarfi Arctic Hydro og Fallorku ehf. Stjórn Norðurorku fjallaði um málið 29. nóvember sl. og samþykkti að óska eftir afstöðu eiganda og í framhaldinu fara í frekari greiningarvinnu ef tilefni er til.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð er einhuga um að virkjanir Fallorku verði áfram að fullu í eigu fyrirtækisins og mikilvægt sé að farið verði í stefnumótun um framtíð virkjanamála hjá Fallorku.

Lögð fram drög að breytingum á samþykkt fyrir bæjarráð.

Bæjarráð samþykkir framlagðar breytingar á samþykkt fyrir bæjarráð með þeim breytingum sem gerðar voru á fundinum og vísar þeim til staðfestingar í bæjarstjórn.

Lögð fram drög að breytingum á samþykkt fyrir fræðslu- og lýðheilsuráð.

Bæjarráð samþykkir framlagðar breytingar á samþykkt fyrir fræðslu- og lýðheilsuráð og vísar þeim til staðfestingar í bæjarstjórn.

Lögð fram drög að breytingum á samþykkt fyrir umhverfis- og mannvirkjaráð.

Bæjarráð samþykkir framlagðar breytingar á samþykkt fyrir umhverfis- og mannvirkjaráð og vísar þeim til staðfestingar í bæjarstjórn.

Lögð fram drög að breytingum á samþykkt fyrir velferðarráð.

Bæjarráð samþykkir framlagðar breytingar á samþykkt fyrir velferðarráð og vísar þeim til staðfestingar í bæjarstjórn.

Lögð fram drög að breytingum á samþykkt fyrir skipulagsráð.

Bæjarráð samþykkir framlagðar breytingar á samþykkt fyrir skipulagsráð með þeim breytingum sem gerðar voru á fundinum og vísar þeim til staðfestingar í bæjarstjórn.

Lagt fram erindi Helgu G. Eymundsdóttur formanns kjörstjórnar á Akureyri varðandi framkvæmd alþingiskosninga 2024. Kjörstjórnin óskar eftir því að skilrúm fyrir kjörklefa verði endurnýjuð fyrir næstu kosningar.

Bæjarráð þakkar kjörstjórn og starfsfólki fyrir góð störf í tengslum við nýafstaðnar alþingiskosningar. Bæjarráð felur sviðsstjóra þjónustu- og skipulagssviðs að láta fara yfir og endurnýja eftir þörfum búnað og aðstöðu fyrir næstu kosningar, þar á meðal skilrúm fyrir kjörklefa og kjörkassa.

Fylgiskjöl

• Niðurstaða kosninga nóv. 2024 bréf til bæjarráðs.pdf

Lögð fram til kynningar fundargerð 304. fundar stjórnar Norðurorku sem var haldinn 29. nóvember 2024.

Fylgiskjöl

• Fundargerð 304. fundar.pdf

Lagðar fram til kynningar fundargerðir 67. og 68. fundar stjórnar Samtaka sveitarfélaga og atvinnuþróunar á Norðurlandi eystra frá 5. og 25. nóvember 2024.

Fylgiskjöl

• Fundargerð 67 fundar.pdf
• Fundargerð 68 fundar.pdf