Ungmennaráð - 35

Ungmennaráð tók til umsagnar og umræðu tillögu að breytingu á deiliskipulagi Síðuskóla vegna áforma um leikskóla og hjúkrunarheimili.

Ungmennaráð tók til umsagnar og umræðu tillögu að breytingu á deiliskipulagi KA svæðis, Lundarskóla og Lundarsels.

Ungmennaráð tók til umsagnar tillögu á vinnslustigi að breytingu á deiliskipulagi Háskólans á Akureyri.

Ungmennaráð Akureyrarbæjar tekur vel í vinnslutillöguna og finnst frábært að það sé verið að auka íbúðarmöguleika ungs fólks sem sækir sér menntun til Akureyrar. Einnig er jákvætt að enn verður mikið um græn svæði í kring. Ráðið hefur þó fyrirspurn um hvað verði gert við hundasvæðið og hvort til standi að byggja annað slíkt í bænum.

Óskað eftir fulltrúum í stýrihóp fyrir barnvænt sveitarfélag.

Þrír fulltrúar eru komnir í hópinn vantar a.m.k. einn í viðbót. Tekið skal tillit til kynjaskiptingar. Engir fulltrúar gáfu kost á sér á þeirri stundu en ætluðu að hugsa málið. Ef enginn fulltrúi býður sig fram mun umsjónarmaður leita út fyrir ráðið og t.d. hafa samband við nemendaráð grunnskólanna.

Rætt var um verkefnið Sumartónar 2023.

Ungmennaráð þarf að finna listamann (stjörnu) og ungan heimamann til þess að stíga á svið. Nokkur nöfn voru sett niður á blað og verða borin saman við svör sem eiga eftir að koma frá félagsmiðstöðvunum. Þá vantar tvo fulltrúa úr ráðinu til að vera kynnar og fjóra til þess að sinna dyravörslu. Skipað var í þessi verkefni og munu Felix Hrafn Stefánsson og Freyja Dögg Ágústudóttir vera kynnar og Anton Bjarni Bjarkason, Erika Arna Sigurðardóttir, Haukur Arnar Ottesen Pétursson og Lilja Dögun Lúðvíksdóttir sinna dyravörslu.

Ræddir voru umræðupunktar fyrir Stórþing ungmenna. Farið var yfir þá punkta sem höfðu borist frá nemendaráðum fjögurra grunnskóla.