Ungmennaráð - 52

Kristín Baldvinsdóttir forstöðumaður hagþjónustu og áætlanagerðar og Hulda Sif Hermannsdóttir aðstoðarmaður bæjarstjóra kynntu skipurit Akureyrarbæjar sem og fjárhagsáætlunarvinnu sem nú er í gangi. Kynningin var meðal annars liður í undirbúningi fyrir samráðsfund ungmennaráðsins með bæjarstjóra, formanni bæjarráðs og forseta bæjarstjórnar vegna fjárhagsáætlunar 2025-2028 síðar í mánuðinum.

Ungmennaráð þakkar Kristínu og Huldu fyrir kynninguna og gott samtal.

Hafsteinn, fyrir hönd fræðsluteymis vinnuskólans ræddi kynningu ungmennaráðs fyrir Vinnuskólann í sumar. Farið var yfir fyrirkomulag og verkaskiptingu í kringum kynningarnar. Nánari tímasetningar voru ekki komnar á hreint.

Ungmennaráð tekur vel í verkefnið. París verður ábyrgðaraðili verkefnisins.

Fundurinn var síðasti formlegi fundurinn fyrir sumarfrí. Rætt var um skýrsluskrif ungmennaráðsins um samantekt á vetrinum líkt og gert var eftir síðasta starfsár.