Ungmennaráð - 33

Nýir fulltrúar voru boðnir velkomnir á sinn fyrsta fund með ungmennaráði og kjör þeirra staðfest.

Alfa Aradóttir forstöðumaður forvarna- og frístundardeildar kynnti sig og starfsemi deildarinnar.

Þann 6. desember sl. var skipað í ungmennaráð að undangenginni kosningu.



Áfram sitja í ráðinu:

Anton Bjarni Bjarkason

Ásta Sóley Hauksdóttir

Elva Sól Káradóttir

Freyja Dögg Ágústudóttir

Fríða Björg Tómasdóttir

Lilja Dögun Lúðvíksdóttir

Telma Ósk Þórhallsdóttir



Nýir fulltrúar eru:

Erika Arna Sigurðardóttir

Felix Hrafn Stefánsson

Haukur Arnar Ottesen Pétursson

Heimir Sigurpáll Árnason

Ungmennaráð tilnefndi tvo fulltrúa í faghóp Barnamenningarsjóðs, sem fer yfir umsóknir í sjóðinn. Fulltrúar verða Anton Bjarki Bjarnason og Lilja Dögun Lúðvíksdóttir.

Ungmennaráð tók til umsagnar tillögu að breytingu á Aðalskipulagi Akureyrar 2018-2030 og deiliskipulagi Innbæjar vegna áforma um stækkun íbúðakjarna á lóð Hafnarstrætis 16.

Ungmennaráð Akureyrarbæjar harmar að það eigi að minnka leiksvæðið, en fyrst það á að fara í þessa framkvæmd þá vill ungmennaráð að farið verði í framkvæmd á leiksvæði sem allra fyrst og að ungmennaráð, sem og ungmenni í innbænum verði þátttakendur í ákvörðunartökunni þegar það kemur að uppbyggingunni.

Fyrirhugaðar viðbótarspurningar um áfallasögu í íslenskum æskulýðsrannsóknum kynntar fyrir ungmennaráði. Óskað var eftir tillögum fyrir gerð áhættumats í tengslum við fyrirlögn slíkra spurninga. Umsjónarmaður tók saman tillögur ungmennaráðsins og verða þær nýttar við gerð áhættumatsins.

Rætt var um aukið samstarf við nemendafélög í grunnskólum Akureyrar og verður fulltrúa hvers ráðs boðið á næsta fund ungmennaráðs til að styrkja boðleiðir milli ungmennaráðs og nemenda grunnskólanna. Einnig var minnst á komandi verkefni ungmennaráðs, svo sem stórþing ungmenna í febrúar og bæjarstjórnarfund unga fólksins í mars.