Umhverfisnefnd - 121

Skipulagsnefnd hefur óskað eftir umsögn um tillögur skipulagsstjóra að Aðalskipulagi Akureyrar 2018-2030. Seinni umræða í umhverfisnefnd.

Umhverfisnefnd felur starfsmönnum að koma athugasemdum nefndarinnar á framfæri við skipulagsnefnd.

Tekið fyrir ódagsett erindi frá Jökli Bergmann fyrir hönd Arctic heliskiing þar sem hann óskar eftir undanþágu til þyrluflugs í fólkvangnum á Glerárdal.

Umhverfisnefnd vísar bréfritara á að sækja um undanþágu til Umhverfisstofnunar þar sem svæðið er friðlýst sem fólkvangur.

Tekið fyrir erindi dagsett 22. nóvember 2016 frá Yrkjusjóði þar sem óskað er eftir styrk að lágmarki kr. 150.000 til kaupa á trjáplöntum sem árlega er úthlutað til grunnskólabarna á árinu 2017.

Umhverfisnefnd samþykkir að styrkja Yrkjusjóð um kr. 150.000 á árinu 2017. Umhverfisnefnd hvetur grunnskóla bæjarins til að sækja um trjáplöntur til útplöntunar í skógræktarsvæði bæjarins.

Farið yfir stöðu vinnunnar við gerð stefnunnar.

Framhaldsumræður um plastpokalausa Akureyri og fjölnota innkaupapoka.

Umhverfisnefnd felur starfsmönnum að undirbúa kaup á fjölnota pokum í byrjun árs 2017.

Umræður um lausagöngu katta í bæjarlandinu.

Umhverfisnefnd óskar eftir því að nýtt umhverfis- og mannvirkjasvið taki til endurskoðunar samþykkt um kattahald á Akureyri.

Kynning á flokkunartunnum í miðbæ.

Umhverfisnefnd fagnar því að flokkunartunnur verði settar upp í miðbænum á næstu dögum.