Umhverfisnefnd - 120

Anna Rósa Magnúsdóttir D-lista mætti í forföllum Kristins Frímanns Árnasonar. <br />Óskar Ingi Sigurðsson B-lista boðaði forföll og varamaður mætti ekki í hans stað. <br />

Skipulagsnefnd samþykkti á fundi 5. október sl. að senda tillögu að Aðalskipulagi Akureyrar 2018-2030 til umsagnar innan bæjarkerfisins, þ.e. deilda, nefnda og ráða.

Bjarki Jóhannesson skipulagsstjóri mætti á fundinn og kynnti skipulagið.

Umhverfisnefnd þakkar Bjarka kynninguna.

Erindi dagsett 7. október 2016 frá Skipulagsstofnun þar sem kemur fram að Norðurorka hf. hafi sent Skipulagsstofnun frummatsskýrslu um hreinsistöð fráveitu á Akureyri. Samkvæmt 10. gr. laga nr. 106/2000 óskar Skipulagsstofnun eftir umsögn Akureyrarbæjar um mat á umhverfisáhrifum framkvæmdarinnar. Álitið skal gefið í samræmi við 24. gr. reglugerðar nr. 660/2015 um mat á umhverfisáhrifum.

Umhverfisnefnd gerir ekki athugasemdir við skýrsluna.

Umræður um plastpokalausa Akureyri og fjölnota innkaupapoka.

Umhverfisnefnd hvetur bæjarbúa og fyrirtæki til að draga úr notkun á plastpokum og einnota vörum. Þá felur nefndin starfsmönnum að afla upplýsinga um möguleg kaup á fjölnota innkaupapokum fyrir næsta fund nefndarinnar.

Umræður um hvernig til tókst við framkvæmd og skipulag ráðstefnunnar sem haldin var hér 19.- 21. október sl. og næstu skref.

Umhverfisnefnd leggur áherslu á frekara samstarf vinabæjanna á næstu árum. Fulltrúar vinabæjanna samþykktu á loftslagsráðstefnunni að halda samstarfi áfram að minnsta kosti næstu 5 árin.

Rætt um grenndarstöðvar í Hrísey og Grímsey, flokkunartunnur í miðbæ og fleira.

Umhverfisnefnd telur ekki ásættanlegt hvað framkvæmdir við grenndarstöðvarnar hafa tafist og krefst þess að þeim ljúki á þessu ári. Nefndin óskar einnig eftir því að flokkunarstöð í miðbæ verði sett upp á þessu ári.

Rætt um fræðsluferð á Sölvabakka þann 22. nóvember nk.