Umhverfisnefnd - 116

Tekið fyrir erindi frá Skipulagsstofnun dagsett 19. apríl 2016 þar sem óskað er umsagnar Akureyrarbæjar á tillögu að matsáætlun hreinsistöðvar fráveitu á Akureyri.

Umhverfisnefnd gerir ekki athugasemdir við tillögu að matsáætlun hreinsistöðvar.

Lögð fram til kynningar skýrsla starfshóps Sambands íslenskra sveitarfélaga um stefnu í úrgangsmálum.

Umhverfisnefnd gerir ekki athugasemdir við skýrsluna.

Umræður um loftgæði og svifryksmælingar á Akureyri.

Umhverfisnefnd Akureyrarbæjar skorar á Umhverfisstofnun að gera bragarbót á svifryksmæli á Akureyri. Ítrekaðar bilanir hafa verið á mælunum í sveitarfélaginu og óskar umhverfisnefnd eftir því að Umhverfisstofnun komi þessu í þannig ástand að vel verði unað og að hægt sé að treysta mæligildum. Nauðsynlegt sé að hafa virkan mæli svo að hægt sé að meta árangur í baráttunni við svifryk.

Tekin til umsagnar drög að mannauðsstefnu Akureyrarbæjar.

Umhverfisnefnd gerir ekki athugasemdir við drögin í heild en bendir á að bæta mætti upplýsingagjöf á launaseðlum.

Óskar Ingi Sigurðsson B-lista vék af fundi kl. 11:20.

Formaður umhverfisnefndar fór yfir vinnu við stefnuræðuna sem hún mun flytja á bæjarstjórnarfundi þann 17. maí nk.

Umhverfisnefnd þakkar kynninguna.